ADVERTISEMENT

Governu Fraku Kontrola Presu Kombustivel

Mario da Costa - Ekonomia
Jornalista : Cardenio Alves
Editor : Mario da Costa
  • Share
Deputadu Antonio dos Santos "55", imajen TP/Cardenio Alves

DILI (timorpost.com) – Parlamentu Nasionál (PN), kritika ba asaun polítiku Governu nian ne’ebé laiha kontrolu ba folin sasán nesesidade bázika liuliu kombustivel iha Timor Leste.

“Ita halo kritika ba órgaun ezekutivu, tanba kuaze super-merkadu no Kombustivel folin la normal, tanba ne’e mak hanesan reprezentante povu husu atu halo kontrolu másimu”,  hateten Deputadu Antonio dos Santos “55”, iha Bankada Frente Revolusionáriu Timor Leste Independente (FRETILIN), Kinta (26/01).

ADVERTISEMENT
SCROLL FILA BA NOTISIA


Nia dehan, folin sasán no kombustivel, sa’e nia impaktu ba povu maka’as liu, tanba ne’e kompeténsia Governu atu haree, hodi formula nia presu tuir lei.

“Ita observa situasaun sasán folin sa’e nia impaktu ne’e mai hosi kombustivel, tanba atu tula sasán presiza transporte,” nia subliña.

Lee Mós :
SSTP Hatama Osan Rihun 6 USD ba Kofre Estadu

Tanba ne’e husu ba Governu atu toma responsabilidade ba presu kombustivel ne’ebé sa’e makas iha rai laran, nune’e bele normaliza fali nia folin hanesan bain-bain.

“Tuir loloos Timor Gap, E.P. tenke iha koordenasaun ho ministériu petróleu, nune’e mina laiha bele buka mekanizmu atu mellora, maibé mina laiha mak sira preokupa, no emprezáriu privadu sira mak garantia fali ba Populasaun,” nia lamenta.

Iha parte seluk Deputadu hosi bankada, Kongresu Nasionál Rekonstrusaun Timorense (CNRT), José Virgílio Pereira, hatutan hanesan reprezentante povu iha Parlamentu Nasionál, husu ba ministériu petróleu no autoridade nasionál petróleu, tenke halo kontrolu ba presu kombustivel iha rai laran.

Tanba kuaze estasionamentu kombustivel, iha Eto Tiger fuel mak presu normal, maibé iha fatin suluk no munisípiu sira kuaze folin sa’e hotu.

Lee Mós :
Sobreviventes 12 Novembru Husu Governu Kria Kondisaun ba Juventude

“Ita kestiona kestaun ida ne’e, tanba ministériu no autoridade petroleu rasik laiha kontrolu, no mina folin sa’e kada estasionamentu tanba saída, nune’e husu ba Governu presiza halo kontrolu ida dignu, atu normaliza presu ba povu ho di’ak”, nia hateten.

Iha fatin seluk Vise-Ministru Turizmu Komérsiu no Indústria (MTKI), Domingos Antunes, hatete Governu iha polítika ida atu halo intervensaun ba presu justu ba sasán no presu kombustivel iha rai laran.

Nia esplika, daudaun ne’e inflasaun la sa’e, nune’e Governu nafatin halo kontrolu ba presu sasán sira liuliu kombustivel ne’ebé la normal iha rai laran.

Nia dehan, folin sasán ne’e la normal iha rai laran, tuir programa ba oin Governu sei esforsu nafatin hodi implementa nia servisu tuir lei ne’ebé vigor. Kuandu halo manipulasaun ba asaun bargamentu halo espekulasaun ne’e krime, signifika lei mak sei solusiona.

Lee Mós :
Povu Preokupa Bee Moos, Governu Labele Nonook

Ikus nia dehan, durante ne’e folin kombustivel sa’e tanba loron Xineza, tanba iha rai laran ne’e emprezáriu pivadu Xina mak barak liu, maibé Governu fó sai ona katak sempre halo kontrolu liuliu sasán ka presu folin la normal iha rai laran, hodi normaliza folin di’ak ba populasaun hotu atu asesu.

 1,863 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Fraku Kontrola Presu Kombustivel” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No