DILI (timorpost.com) — Vise Primeiru-Ministru no Ministru Planu no Ordenamentu (MPO), José Maria dos Reis, lakohi fó komentáriu kona-ba prosesu konstrusaun ponte Bekuse. No nia husu ba Jornalista sira konfirma asuntu ne’e ho Ministru Obras Públika (MOP).
Jornalista sira konfirma prosesu konstrusaun ba ponte foun Bekuse tanba kuaze tinan rua ona seidauk la’o ho razaun ne’ebé la klaru.
Asuntu ne’e Timor Post, iha Kuarta (25/01) tenta husu klarifikasaun husi Ministru Planeamentu no Ordenamentu, José Reis, iha palásiu governu hafoin partisipa reuniaun konsellu ministru, maibé atual Vise Primeiru Ministru ne’e lakohi fó komentáriu.
“Ha’u labele ko’alia ba projetu sira ne’e, imi ba husu MOP para atu klarifika ba imi,” José Reis hatete ba Jornalista sira no hakat daudauk ba karreta laran iha Palásiu Governu nia oin.
Jornalista Timor Post tenta konfirma fali ho Ministru Obras Públika seidauk konsege.
Entretantu, iha loron 6 abril-tinan 2021 mosu inundasaun iha sidade Dili, Primeiru-Ministru (PM), Taur Matan Ruak tuun direta no fó kedas orientasaun ba Vise Primeiru-Ministru no Ministru Planu Ordenamentu, José Reis no Ministru Obra Públika, Salvador Eugênio Soares dos Reis Pires atu sobu ponte Bekusi no konstrui foun, nune’e labele fó impkatu negativu ba populasaun ne’ebé hela besik mota bainhira akontese inundasaun.
Maski Taur dehan loron tuir mai tenke sobu kedas ponte ne’e, maibé liu tiha tinan ida, to’o Ministru Salvador troka fali ho Ministru Abel da Silva maka foin sobu no monta ponte provizóriu maibé too agora konstrusaun seidauk la’o.
1,789 total views, 3 views today
Bele hare Video Seluk :
Subscribe to Timorpost
