ADVERTISEMENT

Estudante UNTL Halo Asaun Pasifika Hasoru Universidade

Mateus da Cruz - Dili · Edukasaun
  • Share
Estudante sira hosi fakuldade 9iha UNTL halo asaun pasifiku hasoru estrutura UNTL, iha Kampus Induk Liceu, Kuarta (08/6)

(Reportajen Estaziadu Cardenio Alves/Mariano Abi/Editor Mateus da Cruz)

DILI (Timor Post)–Estudante Hosi Fakuldade 9 iha Universidade Nasionál Timor Lorosa’e (UNTL), Ohin, halo asaun pasífiku kontra Universidade tanba kondisaun eskola nian la tuir rekizitu no mós la favoravel ba estudante sira hotu atu hala’o sira nia estudu.

ADVERTISEMENT
SCROLL FILA BA NOTISIA


“Ami ezije ba Ami nia direitu, ba kondisaun hirak ne’ebé mak ami hasoru iha ami nia eskola, hanesan manual akadémiku ne’ebé UNTL halo la tuir nia tempu, tanba orientasaun akadémiku Ami halo hotu ona, maibé manual akadémiku sein mosu mai”, hatete Senadu Fakuldade Siénsia Sosiais, Antonio dos Santos Loko, iha UNTL kampus Central Caikoli, Kuarta, (08/06).

Lee Mós :
Lere Sei ba Hamutuk ho Fretilín Hodi Halakon Horta iha Eleisaun Segunda Volta

Nia hatete, normalmente manual akadémiku mai ho pakote no orientasaun akadémiku la’o direta aselera ho Manual akadémiku, fahe ba estudante sira, tanba ne’e prosesu orientasaun, maibé estudante sira iha tinan 2021 no 2022 nunka hetan.

Iha mós problema almamater, to’o agora estudante sira hosi  tinan 2019 to’o Mai 2022 kuaze laiha kazaku almamater universidade nian. Iha mós problema seluk, laiha sertifikasaun orientasaun, kartaun estudante akadémiku, Sala biblioteka lai prienxe rekizitu ba estudante sira atu utiliza.

Lee Mós :
ME-Prezidente Horta Ofisial Abertura Programa Edukasaun Multilanguage

Problema ida tan, iha Fakuldade FCS laiha sala Ida ne’e mak konfortavel ba estudante sira, dala-ruma estudante sira hamriik no tuur iha rai de’it, tanba númeru Estudante barak.

Ho problema hirak ne’e, estudante sira ezije parte Universidade atu hare no tetu foti desizaun ruma ba estudante Sira ne’ebé hetan vítima ba ida ne’e, karik laiha solusaun tenke fó fila estudante sira nia osan.

“Ami husu no ejije nafatin ba Universidade atu responde ba kestaun ba kondisaun no situasaun estudante sira hasoru,” dehan senadu.

Lee Mós :
Estudante UNTL ho Komunidade Batara Komemora Loron Masakre Santa Krus iha Foho Maubere

Tuir observasaun estudante sira hosi Fakuldade Siénsia Sosiais no Fakuldade Edukasaun Arte no Umanidade (AAE-FEAH) maka halo asaun enkuantu fakuldade sira seluk reprezenta ida-idak ninian senadu.

Iha asaun Pasífiku ne’e estudante sira lori spanduk ho liafuan oi-oin hodi husu estrutura Universidade rezolve lalais problema nebe estudante sira enfrenta. (Lee Notísia Seluk Iha Jornál Timor Post/ Asesu You Tube Timor Post)

 1,400 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estudante UNTL Halo Asaun Pasifika Hasoru Unive…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No