CNE Partisipa Semináriu Kona-ba Votasaun Antesipada no Exteriores iha Angola

(Reportajen Mateus da Cruz)

Dili (Timor Post)—Prezidente Komisaun Nasionál Eleisoins (CNE-Sigla Portugés), Jose A. Belo, akompaña hosi Sekretaria CNE Odete Maria Belo no Assesora CNE, Teresinha Cardoso, arranka ba Angola hodi partisipa iha semináriu internasionál ne’ebé organiza hosi Komisaun Nasionál Eleitoral Angola iha Sidade Kapitál Luanda.

Tuir informasaun ne’ebé Timor Post Online asesu, objetivu realizasaun semináriu internasionál ne’e atu troka esperiénsia tanba iha fulan Agostu tinan ne’e, Angola sei realiza eleisaun jerál.

CNE Timor Leste, nu’udar membru CPLP no ROJAE, iha mós esperiénsia lubuk ida, relasiona ho prosesu organizasaun votasaun iha Diaspora.

Alem de ne’e CNE Timor Leste mós bele hetan esperiénsia no referénsia, aumenta koñesimentu, rekolla informasaun kona-ba modelu ne’ebe adekuadu liu bainhira realiza votasaun antesipada ka vota Antes (Early Voting) hosi país membru sira liga ho prosesu votasaun antes (Early Voting).

Iha semináriu internasionál ne’e sei partisipa hosi prezidente no membru komisáriu hotu hosi nasaun membru ROJAE (Rede dos Órgos Jurisdicionais e de Administrasaun Eleitorál) no CPLP, hodi diskute no fahe esperiénsia relasiona ho prosesu Votasaun Antesipa da no votasaun Exterior.

Semináriu Internasionál ne’e, sei lidera hosi Presidente CNE Angola no ROJAE-CPLP, Manuel Pereira da Silva.Delegasaun hosi CNE Toimor Leste sei to’o hikas iha paíz loron 15 fulan Juñu tinan ne’e.(Lee Notísia Seluk Iha Jornál Timor Post/ Asesu You Tube Timor Post)

 881 total views,  3 views today

Oinsa Ita nia Reaksaun iha Notisia Nee?

You have reacted on “CNE Partisipa Semináriu Kona-ba Votasaun Antesi…” A few seconds ago

Subscribe to Timorpost

Sorry, there was a YouTube error.