ADVERTISEMENT

Governu Esforsu Diversifika Ekonomia Rai Laran

Mario da Costa - Ekonomia
Reportajen : Estaziada Ermelinda Caet
Editor : Mario da Costa
  • Share
Foto hamutuk hafoin remata serimónia selebrasaun Loron Internasionál Kooperativa ba dala atus ida, ne’ebé realiza iha Sentru Konvensaun Dili, Sábadu (02/07), Foto Esp.

DILI (Timor Post)-Governu liuhosi Ministru Koordenadór ba Asuntu ekonómiku (MKAE), Joaquim Amaral, hatete sira esforsu oinsá mak bele diversifika ekonomia iha rai laran.

Nia hatete, Governu presiza parseiru ida ne’ebé forte liuliu serbisu iha areas rurais hanesan kooperativa, tanba ne’e agora setór sira prioridade ba iha Oitavu Governu maka setór produtivu hanesan setór agrikultura, turizmu no seluk seluk tan.

ADVERTISEMENT
SCROLL FILA BA NOTISIA

“Ita agora iha programa boot atu diversifika ekonomia ne’ebé depende ba osan mai husi Mina, no ita ba fali hodi haree setór produtivu Agrikultura no Turizmu sira, atu nune’e sai hanesan ita-nia fonte ba ita-nia rendimentu”, nia hateten hafoin remata serimónia selebrasaun Loron Internasionál Kooperativa ba dala atus ida (100) ne’ebé realiza iha Sentru Konvensaun Dili, Sábadu (02/07).

Lee Mós:
Governu Sei Partisipa Serimónia Funerál Eis PM Japaun

Tanba ne’e Governu liuhosi Sekretáriu Estadu Kooperativa (SEKoop) suporta tebes hodi selebra aniversáriu kooperativa ida ne’e, atu nune’e relembra progresu movimentu kooperativu ne’ebé liu ona, depois Timor ukun aan.

Joaquim afirma, mundu kooperatizmu ninia rasik, Timor-Leste konserteza la’ós buat foun ida, maibé dezde antigu testamentu hari, nasaun ne’e sira hahú halo kooperativa ne’e no sira iha inisiativa ba kooperativa.

Lee Mós:
Governu Presiza Atensaun ba Katuas Australianu Ida Iha Kolmera

Sim, ohin ami hamutuk ho SEKoop, konfederasaun no asosiasaun hodi selebra Loron Internasionál Kooperativa ba Dala-atus Ida (100), ne’ebé movimentu kooperatizmu iha mundu ne’e, tanba ne’e loron ohin importante tebes ba iha movimentu ida ne’e liuliu Iha Timor- Leste”, nia hateten.

Tanba ne’e nia hatete, kooperativa husi loron ba loron nia progresu di’ak tebes ho apoiu husi Governu Daualuk Konstitusionál, halo liuhusi planu kooperasaun ekonómiku ne’ebé kapitaliza ba konfederasaun hodi suporta ba kooperativa sira iha rai laran .

Lee Mós:
Rega Bokon, Xanana Hola Pentolang

Ikus nia promete, SEKoop sei ba Munisípiu sira hotu hodi lori kooperativa ne’e ba to’o iha Postu Administrativa no mós iha suku sira, atu nune’e Komunidade sira hatene kooperativa.

 562 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Esforsu Diversifika Ekonomia Rai Laran” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: