DILI (Timor Post.com)- Sosiedade Sivil liuhusi Forum Organizasaun Noun-Governamental Timor Leste (FONGTIL), apresia panorama Orsamentu Jera Estadu (OJE) 2024, tanba prioritiuza setor potensial sira iha Timor Leste.
“Ami apresia Nonu governu konstitusional nia aprezentasaun panorama OJE 2023. Tanba ami – nia rekomendasaun ba Governu, ohin tau dunik sai prioridade, hanesan setor agrikultura, saude, edukasaun, turísmu no seluk tan,” Diretor Ezekutivu FONGTIL, Valentin da Costa Pinto ba jornalista Timor Post iha Ministriu Finansas (MF), Dili, Tersa-feira (12/09/2023).
Tuir Valentin, sosiedade sivil husu nafatin Governu, atu tau orsamentu ho porsun natoon ba setor importante sira ne’e, hodi povu senti di’ak liutan benefisiu husi dezenvolvimentu. “ Karik Governu investe osan boot ka ki’ik, tenke jere ho didi’ak,” nia dehan tan.
Iha Seminar Jornada OJE 2023, Tersa feira semana ne’e. Primeiru Ministru, Kai-Rala Xanana Gusmão, husu ba ministeriu relevante sira atu jere orsamentu hokuidadu, didi’ak no iha responsabilidasde, tanba povu-nia osan.
“Ami apresia ho panorama ka jornada OJE 2024 ne’e. Fiar katak, Ministériu relevante sira, deskreve planu prioridade kada tinan. Nune’e ita bele halo bu’at di’ak ba ita- nia povu, “dehan tan.
Iha jornada orsamentu loron dahuluk, Governu iha senariu aprezenta OJE ho montante osan dolar aemrikanu biliaun, 1.6, 1.7, 18, too biliaun 1.9.
1,815 total views, 6 views today
Bele hare Video Seluk :