DILI (Timor Post.com)—Forum Organizasaun naun-govenamental Timor Leste (FONGTIL), observa Timor Leste adere ba Association of Southeast Asian Nation (ASEAN), nasaun Singapura sei fó anotasaun ba setór infraestrutura iha rai laran.
“Ita labele ansi sai membru permanente seenkuantu ita nia ekonomia rai laran sei hakdsak, ita presiza loke an ba nasaun avansadu hanesan singapure hodi husu ajuda ba sira oinsa mak atu esplora liutan ita nia ekonomia rai laran molok sai membru ASEAN ho Status permanente”. Dehan Diretór ezekutivu FONGTIL, Valentin da Costa Pinto ba Timor Post iha Kaikoli, Segunda (21/08).
Tanba nasaun Singapura nasaun ida ne’e ho rendimentu altu, ka sub-ekonomia dezenvolvidu, tanba ne’e ita observa katak sira sei fó notasaun ba TL, antes adere ba ASEAN nu’udar membru permanente.
Tuir Diretór ezekutivu FONGTIL hatete, tuir estatutu ASEAN nian, nasaun ne’ebé tama ona sai membru, nia tenke iha ekonomia médiu altu, maibé TL hakarak adere, maibé realidade ita seidauk atinje metas ne’ebé iha
Hare husi infraestrutura dezorganizadu iha rai laran, nasaun Singapura sei fó notasaun ba ita, hodi hadi’ak neineik antes tama ba membru permanente iha ASEAN. Tanba durante ne’e ita konsumu mós sira nia produtu importasaun sira.
Tanba ne’e mak ita husu ba governu, labele mai ho polítiku ambisaun ida atu lori TL hodi adere lalais ba ASEAN, nu’udar membru permanente, maske ita sei iha faze observante, maibé ita fiar sei atinje ita nia objetivu.
“Entaun ita la’o neineik, maibé bele mós beibeik, nune’e ita bele toman hodi organiza no dezenvolve di’ak ita nia infraestrutura sira, hodi fasil ba ita atu atinje mehi ba membru permanente iha Organizasaun ASEAN.” Diretór Ezekutivu FONGTIL hateten
1,533 total views, 3 views today
Bele hare Video Seluk :