DILI (Timorpost.com)—Vise Primeiru-Ministru no Ministru Negósiu Estranjeiru Nova-Zelándia, Winston Peters, kongratula Governu Timor-Leste liu hosi Vise Primeiru-Ministru, Francisco Kalbuadi Lay, ne’ebé lori Timor-Leste adera ba Organizasaun Mundiál Komérsiu (OMK) no prontu suporta iha area edukasaun no Turizmu.
“Agradese ba oportunidade atu bele hasoru malu ho Vise Primeiru Ministru interinu. Ita hatene katak iha razaun ida, Primeiru Ministru Timor-Leste laiha fatin tanba ba ba intende inkontru ida kona-ba invazaun ilegal ne’ebé halo Ukránia, iha ne’ebé Nova Zelándia mós iha ne’ebá hodi atende mós enkontru ida ne’e,” Hateten Vise Primeiru-Ministru Nova-Zelándia, hafoin remata enkontru iha edifisiu Turizmu Faról, Kuarta (12/06).
Nia hatutan, enkontru ne’e la’o di’ak tebes ho hanoin sira ne’ebé fahe kona-ba dezenvolvimentu Timor nia futuru, Timor-Leste no Nova Zelándia hanesan paíz rua ne’ebé belun di’ak no iha legasia ne’ebé forte dezde dékada tolu ka haat ba kotuk.
Tan ne’e, Nova Zelándia nafatin iha komprimisu atu apoiu Ekonomia Timor-Leste nian, liuhusi apoiu ba rendimentu rural povu ninian, Edukasaun no Turizmu.
“Nova Zelándia mós parabeniza vise PM Francisco Kalbuadi Lay ne’ebé lori ona Timor-Leste nia adezaun ba OMK,” hato’o Vise Primeiru-Ministru Nova Zelándia ne’e.
Nova Zelándia sei Kontinua apoiu Timor-Leste nia adezaun ba ASEAN liuhusi asesu ba formasaun lian ingles no formasaun sira seluk ne’ebé bele tulun hasae abilidade no koñesimentu Timoroan sira nian.
Nova Zelándia haree katak Timor-Leste hanesan nasaun ida ne’ebé hakmatek tebes no ho beleza ne’ebé kapás.
Nune’e mós, Vise Primeiru-Ministru, Francisco Kalbuadi Lay, agradese ba Vise Primeiru-Ministru Nasaun Nova Zelándia, Winston Peters, vizita Timor-Leste hodi haforsa liután kooperasaun iha area kapasitasaun rekursu umanu no Defeza.
“Onra tebes ohin loraik simu vise primeiru-Minustru mai husi Nova Zelándia. Hatene katak Nova Zelándia belun di’ak tebetebes la’ós agora dezde uluk kedas liu husi área kapasitasaun rekursu umanu nune’e mós iha area Defeza,” Hateten Primeiru-Ministru Interinu, Francisco Kalbuadi Lay.
549 total views, 18 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Nova-Zelándia Kongratula Governu no Promesa Kontinua Apoiu TL iha Area Rua](https://timorpost.com/wp-content/uploads/2024/06/Nova-kon.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)