DILI (timorpost.com) – Reprezentante Povu iha Parlamentu Nasionál (PN), husu Governu, liuhosi Ministru Edukasaun, Juventude no Desportu (MEJD), atu responsabiliza ba eskola Nino Konis Santana iha Munisípiu Lautem, Postu administrativu Lospalos, tanba seidauk rezolve profesór kontratadu sira.
“Situasaun ne’e akontese iha munisípiu Lautem, Postu Administrativu Lospalos, eskola sekundáriu Nino Konis Santana, katak Profesór kontratadu sira hetan saláriu husi estudante sira-nia Inan-Aman,” hateten Deputada Bankada FRETILIN, Maria Anabela Savio, iha PN, Segunda (26/09).
Nia dehan, problema profesór kontratadu sira hanorin iha eskola sekundária Nino Konis Santana Lospalos, tama fulan haat nia laran, maibé nunka hetan sira nia diretu, tanba dehan Governu osan laiha.
Nia hatete, realidade fulan-fulan sira-nia saláriu mensal “tama estavel sai estavel”, orsamentu hodi atende ba eskola refere mai husi kanál rua; kontribuisaun inan-aman, no husi konsesaun eskolár ho montante Rihun 9522 USD.
Nia dehan, orsamentu ho montante dolar 56.592 USD, husi konsesaun eskolár ho montante dolar 9.522 USD, kada fulan, ida ne’e mak uza atu selu profesór kontratadu sira iha eskola Nino Konis Santana Lospalos.
Situasaun ne’e akontese, tanba troka Diretór iha eskola refere, depois osan restu ho montante dolar 17.000USD lakon no afeta ba profesór kontratadu sira lá hetan saláriu fulan haat ona.
“Loloos orsamentu restais sei iha, montante dolar 17.00 USD, maibé tanba saida mak profesór sira ne’e fulan barak nia laran la asesu sira-nia diretu, tanba ne’e Ministru Edukasaun ho nia ekipa tenke tun halo investigasaun kona-ba situasaun ida ne’e,” nia hato’o.
Kuandu iha mudansa estrutura ba eskola Nino Konis Santana, hosi diretór tuan ho foun, maibé diretór foun lori fali pasta no hatete osan laiha ona, tanba saída presiza halo klarifikasaun detallu.
Osan ne’e sei iha kofre eskola nian, bainhira sira sura ba sura mai osan restu sei ho montante dolar 17.000, USD. Maibé osan refere derrepente lakon.
Orsamentu restu sira la hatene osan ne’e ba ne’ebé, tanba ne’e mak ministru edukasaun tenke haruka ba rezolve problema ida ne’e, se bele PDHJ/CAC tenke tun ba terenu hodi halo investigasaun kle’an.
2,469 total views, 3 views today
Bele hare Video Seluk :
Subscribe to Timorpost
