DILI, (Timorpost.com)—Primeiru Ministru (PM), Kay Rala Xanana Gusmão, informa kauza foos folin kontinua sa’e faillansu iha kontrolu husi Ministériu Komérsiu no Indústria (MCI).
Xanana, Públiku kestiona tanba Ministériu Komérsiu Indústria mak la halo kontrollu, tanba iha lurón sira ne’e foos sira ne’e sempre iha.
“Ha’u lao iha fatin-fatin, susar tebes atu kontrola, tanba bainhira hatún foos, ha’u too iha lurón sorin-sorin sira ne’e iha hotu Folsom, ida ne’e ita atu kontrola oinsá,” dehan Xanana Gusmão ba jornalista sira hafoin hasoru malu ho Prezidente Repúblika iha Palacio Prezidensiál Bairu-Pite, Kinta (06/06).
Xefe governu ne’e fó ezemplu katak, imi jornalista ida mak importadór ida, governu husu importadór atu importa foos 50 tonelada, maibé importa mai la too 50 tonelada depois la ba kontrolu foos ne’e importa too dunik hanesan saida mak husu ou lae.
“Tanba ne’e failla iha kontrolu, bainhira ita husu kompañia importadór hanesan Perisos importa 50 tonelada maibé ba too iha ne’ebé la’ós 50 maibé 10 tonelada depois dehan foos folin sae, MCI la kontrola foos husi Xina, India, Thailand no nasaun seluk, importa mai hotu nafatin, tan nee susar atu kontrola, tanbsa sa mak ita tau deit osan no tau deit osan no importa tan importa nafatin nee atu halo saida,” dehan nian.
Tanba ne’e, Governu hakarak dudu fali agrikultura atu produz rasik ba foos lokál, maski lao neineik ba, tanba atu atende emerjénsia ne’e, oinsá maka atu bele emerjénsia, la imi boot tiha la kohi atu ba kee rai dehan moe ne’e susar.
936 total views, 15 views today
Bele hare Video Seluk :
Subscribe to Timorpost
