Dili (timorpost.com)—Notisia ho tema “Migração das Baleias: Fenomeno ao Alcance do Olhar do Povo Timorense” lori Constantino Savio hetan primeiru klasifikadu hakerek notísia ho lian portugés diak liu.
“Notísia ne’e ha’u hakerek ho lian portugés no manan prémiu Adelino Gomes husi Konsellu Imprensa Timor-Leste (KI) ho klasifikadu hakerek notísia ho lian portugés di’ak liu”.
Nia haktuir, ida ne’e milagrozu ida tanba buat ne’ebé la realidade maibé ita pasiénsia no esforsu ikus fó dunik nia rezultadu ne’ebé di’ak. Tanba ne’e ha’u pesoál kontente tebes.
“Ha’u pesoál agradese ba apoiu tomak husi profesór husi CLJ no Media Timor Post ne’ebé fó ona tempu fatin mai ha’u hodi aprende no buka hatene iha mundu jornalizmu nian. Ha’u agradese”.
Kona ba prosesu ba konkursu ida ne’e KI loke iha fulan hira liu ba públiku oinsá atu prienxe ho lingua portugés.
“Notísia ne’ebé lori ha’u hodi hetan primeiru klasifikasaun mak ko’alia kona ba migrasaun baleia halai iha Tasi Timor durante fulan Outubru ate Novembru. Maibé husi fenómenu ne’e rasik atu dehan de’it ema estranjeiru barak vizita mai Timor-leste hodi asiste bio diversidade Timor nian ne’ebé ita Timor rasik lahatene no ema seluk mak mai hodi aproveita fali ita nia rekursu sira ne’e. ida ne’e mak konteúdu di’ak husi reportajen ne’e rasik”.
Mensajen ba maluk jornalista sira “Fiar iha ita nia kapasidade, fiar ba ita nia aan no matenek ne’ebé iha hodi hakerek buat ne’e ita nia sosiedade merese dunik atu hatene.
9,010 total views, 9 views today
Bele hare Video Seluk :