ADVERTISEMENT

FFTL Selu Ona Saláriu ba Treinadór no Jogadór Selesaun Nasionál

Mario da Costa - Desportu
Reportajen : Jaime Pires
Editor : Mário da Costa
  • Share
Logo FFTL

DILI (timorpost.com) – Federasaun Futebol Timor-Leste (FFTL), Segunda (07/11), halo ona pagamentu ba saláriu jogadór no treinadór sira, ne’ebé durante ne’e ezije FFTL, no hamosu preokupasaun boot iha públiku.

“Federasaun Futeból Timor-Leste (FFTL), halo ona pagamentu ba saláriu jogadores no treinadores, hahú husi Senior Feto no Mane, Sub-19 ba kompetisaun AFF, Sub-20 ba kompetissaun AFC no Sub-16 ba kompetissaun AFF,” dehan Sekretáriu Jerál FFTL, Grigorio Correia, ba Timor Post iha Bairru Grilhos, Segunda (07/11).

Nia reforsa, pagamentu ne’e hahú hala’o loron ohin no sei kompleta iha loron Kuarta-Feira, 09 Novembru tinan 2022.

Grigorio aumenta, relasiona ho polémika ne’ebé durante ne’e la’o iha públiku liuliu hadomi na’in Futeból iha Timor-Leste, mak FFTL liuhusi esforsu másimu konsege rezolve daudaun ona preokupasaun jogadores no treinadores husi kategoria ne’ebé temi ona iha leten.

Lee Mós:
F-FDTL Loke Rejistu ba Torneiu Taxa Nicolau Lobato

Tanba ne’e, Ohin FFTL liuhusi Diresaun Finansas hahú halo pagamentu ba Selesaun Senior ba kompetisaun AFF Suzuki Cup 2020, Sea Games 2021 no mós jogu amigavel kontra Nepál, Camboja no Filipina.

“Ba pagamentu sira seluk, sei kompleta iha loron rua tuir mai. Pagamentu ne’e inklui mós salariu ba Ex-Treinador prinsipál Fabio Maciel no Treinador Fiziku Silas Paixão,” deklara nia.

Nia subliña, atu informa ba públiku hadomi na’in Futeból katak fontes husi fundus ne’e rasik mai husi doadores prinsipál FFTL nian FIFA no AFC. liuhusi prosesu lubun ida, fundus ne’e hetan aprovasaun husi FIFA no AFC iha fim de Outubru 2022.

 782 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “FFTL Selu Ona Saláriu ba Treinadór no Jogadór S…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: