DILI (timorpost.com) — Empreza Metrolink hola desizaun hodi fó sponsor ba klube futebol Nagarjo, atu bele kompete iha jogu Liga Futeból Timor-Leste divizaun époka daruak 2023.
Kestaun ida ne’e reprezentante Metrolink, João B. Verdial, hato’o informasaun ne’e ba Timor Post iha salaun Konferénsia Empreza Metrolink, Timor Plaza, Tersa (21/02/2023).
“Ami husi kompañia Metrolink, sempre iha vontade atu apoiu iha eventu desportivu, tanba ne’e ami agora sai sponsor ba klube futeból Nagarjo, atu partisipa jogu liga futeból Timo-Leste ba divizaun segundu iha tinan ida ne’e”, nia informa.
João hatete, Metrolink nia esperensia atu sponsor atividade desportu la’ós buat foun, tanba na’in kompañia Metrolink ne’e dezde liga moris no amadora fó ona sponsor ba klube futeból Cacussa hodi hetan vitoria primeiru luga iha momentu ne’ebá.
“Esperiensia ami nian hanesan sponsor ne’e la’ós buat foun, na’in ba kompañia rasik mós uluk apoiu ona klubu futeból Cacussa, ne’ebé konsege lori ekipa ne’e sai vensedór iha jogu segundu divizaun”, João hateten.
Entaun daudauk ne’e Metrolink fó sponsor fali ba Nagarjo FC, atu kompete iha Liga Futebol Timor-Leste segundu divizaun époka 2023.
“Ami hakarak klubu futeból Nagarojo ne’e, bele hetan segundu lugar, ou di’ak liu tan sai vensedor primeiru iha jogu segundu divizaun ne’e”, katak João.
Tanba ne’e nu’uar patrosinador ba klube husu atu jogu liga futeból époka 2023, klube sira bele jogu profesional, amigável no kompetetivu atu lori desportu futeból ba mundu internasionál.
Iha fatin hanesan Treinadór Nagarjo FC, Octavianos Pinto, hato’o agradese ba Empreza Metrolink ne’ebé iha vontade maka’as hakarak fó sponsor ninia ekipa klube Nagarjo atu bele kompete segundu divizaun Liga Futeból Timor-Leste.
“Ha’u hato’o obrigadu ua’in ba Kompañia Metrolink, ne’ebé atu fó sponsor ba ami-nia klube”, nia hateten.
Entaun nu’udar treinadór sei fó treinu maka’as ba elementu sira atu kompete di’ak liu iha jogu segundu divizaun Liga Futebol Timor-Leste no hetan rezultadu di’ak.
Ekunatu Klube Nagarjo, kontrata ona jogadór estranjeiru na’in haat, na’in-rua husi Kupang, na’in-ida husi Surabaya no ida seluk husi papua, Indonézia, ne’ebé mai ona hodi treinu hamutuk no prontu fizikamente atu kompete iha Liga futebol segundu divizaun époka 2023.
1,969 total views, 9 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Metrolink Sponsor Klube Nagarjo FC](https://timorpost.com/wp-content/uploads/2023/02/PSX_20230221_145635.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)