DILI (timorpost.com)—Traballadór timoroan nain-47 Domingo (17/09/2023) sei arranka ba Korea do Súl.
“Sim, Domingo agora traballadór nain-47 husi unidade peska sei arranka ba Korea do Súl hodi servisu”. Diretór Diresaun Nasionál Empregu Exterior (DNEE), Filomeno Soares, hato’o Asuntu ne’e ba jornalista Sira iha Timor Lodge, Sesta (15/09).
Nia haktuir, ohin parte Governu ho família traballadór nain-47 asina ona deklarasaun molok traballadór sira arranka ba Korea do Súl.
“Objetivu asina deklarasaun ne’e konvida família sira halo aseitasaun ida entre parte Governu no família, signifika katak família Sira prontu ona atu husik sira Nia oan sai husi nia leet atu ba servisu iha Korea”.
Nia haktuir, haruka traballadór ba rai li’ur, la’ós obrigasaun husi estadu. Estadu kria kondisaun de’it. Tanba ne’e molok dezloka ba servisu iha rai li’ur presiza iha akordu entre família traballadór ho parte Governu atu nune’e saida mak akontese ba traballadór sira parte rua bele responde hamutuk.
Entretantu foufoun iha traballadór na’in-55 mak pasa maibé na’in 5 la konsege tanba falla iha teste medical, balun problema iha orsamentu.
1,053 total views, 3 views today
