DILI (Timorpost.com)—Fan Pentolan hanesan atividade baibain ne’ebé halo hosi, labarik foin sa’e ida ho naran kompletu Daniel Sarmento Colo, idade 15, husi Postu Oekusi-Ambenu.
Daudauk ne’e Daniel hela iha Dili, hamutuk ho nia Tia no Tiu. Tanba Daniel rasik nia inan-aman husi hela nia “mate” sei idade ki’ik.
Daniel foti alvu husi fan pentolan ne’e hanesan grasa ida, tanba inan-aman la iha ona.
“Lakon inan-aman ne’e moris ne’ebé la kompletu bainhira ho idade ki’ik. Maibé tanba presiza nesesidade moris nian hakarak ou lakohi tenke maske iha situasaun no kondisaun susar”.
Nia konta ho matan been dehan “Ha’u nia inan-aman mate hotu no ha’u sei iha klase 5 primária. Hakarak los sente domin inan-aman nian hanesan labarik idade ki’ik hanesan ha’u nian maibé Maromak nia planu ita ema labele hatene.
Inisiativa fan pentolan ne’e la iha parte terseiru obriga, maibé tanba nesesidade privadu hakarak ou lakohi tenke fan dudu iha kapitál Dili atu bele sustenta moris.
“Pentolan sira ne’e ema nian, Ha’u fan kada loron sira hetan $10 husi ne’e na’in ba pentolan fó ha’u $3”.
Agora daudauk, Daniel eskola iha EBC Faról Primeiru Ano Pre-Sekundáriu.
Moris ne’e agradese ba saida mak ita sei bele halo maski nia valor uitoan maibé ita agradese tanba ita bele”. Korajen Daniel.
Buat ne’ebé Daniel husu mak, “Estadu tenke kria kondisaun ida oinsa asegura katak labarik hotu tenke ba eskola, tanba edukasaun ne’e importante ba ema hotu labele halo fali atividade Hanesan fan mantolun, pentolan no seluk tan”.
1,686 total views, 3 views today
Bele hare Video Seluk :