DILI (timorpost.com)—Akademista husi Universidade Dili (UNDIL), Hugo Lourenço, hatete tuir observasaun pesoál liga ba programa governu nian iha loron 120, Ministériu Justisa (MJ) hala’o serbisu lubuk.
Akademista ne’e haktuir, programa nono governu nian iha loron 120 dias, Primeiru Ministru ko’alia para dezafia nia ministru no Sekretária estadu sira, tanba sira kompozisaun governu no membru governu nian iha responsabilidade ba Primeiru Ministru.
“Tanba ne’e, ita hare iha prosesu 120 dias iha esforsu makas lubuk ida, liu-liu husi Ministru Justisa foun ita haree katak iha duni problema, kona ba ita nian pasaporte, ne’ebé maka tenke ser konekta ho empreza internasionál ne’ebé mak fornese kaderneta pasaporte. Ida ne’e prejudika tiha dezempeñu servisu husi Ministériu Justisa, tanba la’ós kulpa husi Ministru Justisa ida agora, kaderneta pasaporte ne’e problema anterior, ne’ebé maka ministru foun mai fali nian hakarak la kohi nia tenke rezolve duni problema kaderneta pasaporte,” dehan Hugo ba Timor Post iha Kampus UNDIL Mascarinhas, Sesta (17/11).
Tanba nee, daudauk ne’e pasaporte mai ona, entaun ida ne’e hatudu katak esforsu husi Ministru Justisa ho nia rekursu tomak ne’ebé iha ho ekipa konsege rezolve problema kaderneta pasaporte ne’ebá durante ema hotu preokupa.
Akademista ne’e hato’o parabens ba Ministru Justisa, tanba ezerse nian servisu ida todan maibé ho responsabilidade ne’ebé másimu no ikus konsege iha solusaun ba povu no rai ida ne’e.
834 total views, 3 views today
Bele hare Video Seluk :
Subscribe to Timorpost
