DILI (timorpost.com) — Kaderneta Pasaporte laiha no balun mate rezulta pasiente na’in-ida hakotu iis iha Hospital Nasionál Guido Valadares (HNGV), tanba la konsege halo transferénsia ba iha rai li’ur hodi halo tratamentu.
Diretór Klínika HNGV, Marcelino Correia, hatete, iha ema ida moras momentu ne’ebá nia baixa hela iha HNGV depois iha planu aprezentasaun atu transfere ba li’ur hodi hetan kontinuasaun tratamentu.
“Entaun ita presiza prosesu hein pasaporte ne’ebé pedidu ita haruka nafatin ba hodi hein prosesu pasaporte, maibé labarik ne’e infelizmente moras hela iha ne’ebá depois nia hakotu iis iha Pediatria”, Marcelino Correia, dehan ba Jornalista sira iha HNGV, Kuarta (09/08).
Nia hatete, situasaun ne’e mak HNGV enfrenta, tanba ne’e sira fó hatene ba família sira hanesan ne’e ne’ebé prosesu hein nafatin ba sira ne’ebé mak agora ne’e hein hela, atu nune’e bele solusiona.
“Ita hein katak ho Ministru Justisa ba ona Finlandia atu nune’e bele hetan pasaporte ne’e, iha tempu badak bele utiliza ka bele solusiona pasiente sira ne’ebé mak pasaporte la iha”, nia tenik.
Nia hatutan, pasiente ne’ebé mak lista HNGV haruka ona ba MS inklui mós pasiente ne’ebé mak hakotu iis ne’e, tanba hein pasaporte no momentu ne’e nia mós moras presiza intervensaun ba ne’e tan, pasaporte infelizmente nia mós hakotu iis.
Aleinde ne’e Diretór Klínika HNGV, Marcelino Correia, hatete, Hospital Nasionál Guido Veladares halo ona transferénsia pasiente na’in-50 ba ona halo tratamentu iha rai li’ur.
Nia dehan, pasiente ne’ebé mak ba halo tratamentu iha rai li’ur ne’e hamutuk na’in-100 resin, maibé na’in-50 ne’e ba ona halo tratamentu, hela 50 Resin.
“Pasiente 50 resin mak ita haruka ona ba halo tratamentu iha rai li’ur, no hela 50 resin mak ita haruka ona ba MS hodi enkamina ba MJ, tanba sira nia kaderneta Pasaporte, tanba sira nia pasaporte laiha no balu mate”, Marcelino Correia, hateten.
Diretór informa, ba sira ne’ebé pasaporte la iha ne’e, halo tratamentu iha hodi hein pasaporte, ai-moruk ne’ebé mak bele fó ba sira hodi aguenta.
1,434 total views, 6 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Pasiente Ida Lakon Vida Tanba Pasaporte Laiha](https://timorpost.com/wp-content/uploads/2023/08/HNGV.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)