DILI (Timor Post) – Xefe Sentru Saúde Formosa, Jaime dos Reis Belo, hatete moras ne’ebé rejistu aas iha sentru ne’e mak hanesa Ispa, Moras Kulit no mós diarréia.
“Moras ne’ebé aas liu iha ita-nia Sentru Saúde Formosa mak hanesan ispa, moras kulit no mos moras Diarréia, moras ida ne’e mak domina iha ita-nia Sentru Saúde Formosa,” nia hateten ba Timor Post Online, iha knar Fatin, Sábadu (27/07).
Nune’e, tuir tan mak moras Pen, Pen ne’e hanesan moras tensaun aas, Diabetes, moras korasaun no struk.
Alende ne’e nia dehan, iha mós programa sira ne’ebé implementa iha Sentru Saúde Formosa, ida mak tuberkolozu maibé moras ida ne’e ladun aas.
Atedimentu ba sira moras ne’e normál, tanba ema sira ne’e tuir ona treinamentu iha fatin-fatin, entaun sira iha konesimentu sira ne’e mak fó konsulta.
Enkuantu nia dehan, Moras sira ne’ebé mai konsulta iha Sentru Saúde Formosa ne’e, menus liu iha loron Sábadu, mak sira atende pasiente iha 150 ou 200, maibé loron bain-bain hanesan Segunda to’o iha Sesta ne’e, sira atende pasiente 1000 ou liu ida ne’e.
2,512 total views, 3 views today
Bele hare Video Seluk :