(Reportajen Olga Soares, Editor Rosa Garcia)
DILI (TIMOR POST) – Hafoin loron lima liu, simu tiha vasina doze Primeiru Astrazeneca iha kuarta (20/05) , Agel ho idade 56, sente ain sira toos no la’o ladiak, to’o familia deside ba halo tratamentu iha Ópital Nasional Guido Valadares, to’o ohin sabadu (26/06) hakotu iis, tanba ne’e familia deskonfia karik iha relasaun hosi vasina ne,e.
Oan mane hosi Matebian ,Vasco dos Reis da Costa, informa, nia aman anes vasina, saude diak.Matebian rasik deside hodi ba simu vasina iha , loron Kuarta (20/05), iha Postu Vasinasaun, atuál kapela Maslidun Tasi Tolu, doze dahuluk, hafoin simu liu tiha loron lima, matebian hetan sente ain sorin rua tos no la’o ladi’ak.
Hafoin matebian hetan ataka iha ain, familia desidi lori ba Hospital Nasionál Guido Valadares (HNGV), hodi hetan tratamentu intensivu.Tuir mediku sira hafoin halo diagnostika , la deteta katak matebian moras kauza hosi vasina.
“Ami deskonfia ami nia aman mate la’ós mate tanba vasina,maibé ami oan sira deskonfia katak ami nia aman hetan moras hafoin vasina ,tanb iha semana rua kotuk ba katuas foin ba simu vasina, nune’e ami duvida, ami lori katuas ba iha hospital nasionál Guido Valadares (HNGV), baixa semana rua, maibé médiku sira la deskobre katuas nia moras ,” Vasco dos Reis da Costa, oan mane primeiru haktuir informasaun hirak ne’e ba Timor Post iha rezidensia Mosula Markoni, Sábadu (26/06) .
Relasiona ho polemika ida ne’e, família husu ba HNGV atu klarifika loloos, katuas nia moras, nia mate tanba saida.
“Ami la pastikan ,katak nia mate tanba vasina, maibé ami família la hatene, tanba ne’e ami ezije ba HNGV, atu klarifika loloos matebian nia moras,” Oan mane ezije .
Oan mane primeiru ne’e subliña katak, família ninia ezijensia husu ba HNGV atu esplika matebian nia mate ho moras saida.
“Matebian ba simu vasina , mai iha kalan primeiru, nia sente isin malirin durante loron tolu, hafoin liu tiha loron tolu, matebian nia ain sorin los sente hanesa buat moris ruma la’o iha laran, hakas matbian too hader la’o ladi’ak. Tanba ne’e ami família deside lori ba HNGV baixa too semana rua, ohin Sábadu 2: madrugada matebian hakotu is,” Nia informa.
Oan sira afirma katak, família sira la’ós doutor atu hatene matebian mate ho vasina, antes ami lori matebian ba too HNGV, nune’e baixa, matebian rasik mak esplika moras direta ba médiku, hafoin ida ne’e médiku sira hasai RX, la hatudu efetu ruma katak nia moras kauza hosi vaisna, maibé família la satisfas bainhira matebian mate ona médiku sira la esplika matebian nia moras.
“Ami hakarak husu esplikasaun hosi médiku iha HNGV, matebian nia moras saida mak kauza ba nia mate, tanba ami hatene ronsen primeiru rezultadu hatudu matebian kauza hosi kista, hafoin teste bad ala rua ,médiku sira hetan fali buat mutin balun ,maibé parte médiku la esplika, ho ida ne’e ami duvida no deskomfia matebian mate tanba vasina,” Nia hateten .
Hatan ba preokupasaun ne’e, mediku ne’ebé lakohi fó sai ni identdade via telephone ba Timor Post ,klarifika ,pasiente ne’e nia tama baixa iha HNGV ho moras komplikadu , iha ne’ebá rezultadu MRI mós iha, no ninia rezultadu hatudu katak pasiente baixa ho problema ain rua la’o ladiak .
“Iha buat ruma mak kontribui ba pasiente nia saraf ain rua la’o ladi’ak, ami halo ona estudu MRI,maibé hahú iha Sábadu kalan nia mate derepente, pasiente nia mate derepente ha’u mós la hatene, maibé pasiente mate la relasiona ho vasina,” Doutor ne’e haktuir .
Doutor ne’e esplika, rezultadu diagnostika MRI, iha ona ninia rezultadu momentu hasai ladún di’ak, nune’e kontinua repete MRI nune’e hodi haree ninia rezultadu MRI foin bele informa, médiku sira la fó sai rezultadu, la’ós tanba tauk pasiente mate ho vasina, maibé rezultadu MRI hatudu pasiente nia rezultadu ladún di’ak.
“Maibé informasaun atu loos no klaru Segunda feira mak imim mai hasoru direta, ha’u atu esplika istória pasiente nia kronolojia loloos ,” Nia hakotu.
Enkuantu matebian mate husik hela oan na’in 8 kompostu hosi feto ida mane 7, matebian hela iha Aldeia 12 de Otubru, Suku Madohi Postu Administrativu Dom Aleixo, Munisípiu Dili, matebian nia oan sira deside lori ba halot iha semitériu Natarbora, família sei halo’ot tuir relijiaun islámiku nian, maibé daudak ne’e família sira hasoru hela problema kona-ba prosesu lori mate isin sai hosi Dili ba Natarboora, tanba sei hein orientasaun hosi Sentru Integradu Jestaun Krize (SIJK) . (Lee Nutisia Seluk iha Jornal Diariu Timor Post)
1,130 total views, 6 views today
Bele hare Video Seluk :
Subscribe to Timorpost
