DILI–Sentru Nasionál Reabilitasaun (CNR-Sigla Portugês) Bekora fó apoiu kadeira roda hamutuk 12 ba Hospital Nasionál Guido Valadares (HNGV), hodi fasilita pasiente ne’ebé susar atu la’o ka book aan hosi fatin ida ba fatin seluk.
“Sentru Nasionál Reabilitasaun suporta Hospital Nasionál Guido Valadares bazeia ba pedidu ne’ebé Diretór Klínika hato’o, entaun saida mak ami apoiu kadeira roda 12 unidade ho tipu S, L ho M”, hatete Diretora CNR, Maria Santina de Jesus Gomes, ba Jornalista iha meting Room HNGV Bidau, Kinta (01/06).
Nia hatete, apoiu ne’ebé fó ba HNGV la’ós primeira vez maibé dala barak ona.
Tanba ne’e, nia parte husu ba HNGV karik kadeira roda aat rai hamutuk depois lori ba CNR bekora atu halo manutensaun.
“Entaun ami sujere ba Hospital Nasionál bainhira kadeira roda hetan estragus tenke haruka ba Sentru Nasionál Reabilitasaun atu halo manutensaun labele tau iha depois so’e arbiru”, dehan nia.
CNR Bekora tutela ba Ministériu Solidariedade Sosiál no Inkluzaun (MSSI) nune’e kada tinan sempre hetan apoiu husi Orsamentu Jerál do Estadu (OJE) hodi halo reabilitasaun ba sasán refere.
Hahú tinan 2005 to’o agora CNR Bekora atende ema ho defisiente fiziku kuaze hamutuk 7 mill ital.
Sentru Nasionál Reabilitasaun Bekora iha depatamentu klíniku neen hanesan, departamentu Fizioterapia, Profesional Terapia, Departamentu Kadeira Roda, Terapia Ko’alia, Departamentu Ortoproteje ka halo lima falsu no ain falsu no mós Depatamentu Komunidade Baze Reabilitasaun.
Iha fatin hanesan, Diretór Klínika Hospital Nasionál Guido Valadares (HNGV), Marcelino Correia hatete, agradese ba apoiu hirak ne’e ajuda tebes HNGV ne’ebé utiliza iha departamentu fizioterapia, konsultór ambulatoria no sirurjia interna liu-liu ba pasiente ne’ebé sofre moras difisiente.
“Kadeira roda ne’e fornese husi sentru nasionál reabilitasaun Bekora, ita sei utiliza iha Hospital tau iha fizioterapia ba iha konsulta ambulatoria no mós sirurjia interna atu nune’e iha kazu ruma presiza utiliza ba analiza laboratoriu ba X-ray bele utiliza”, katak nia.
Nia hatete, kadeira roda ne’e ajuda tebes pasiente ne’ebé sofre fizioterapia ka struk sira bele uza halo movimentu ba tratamentu.
Marcelino afirma, kadeira rona ne’ebé durante HNGV uza totalmente 20 ital ne’e seidauk sufisiente tanba pasiente barak loos.
789 total views, 3 views today
Bele hare Video Seluk :
Subscribe to Timorpost
