DILI—Xefe Departamentu Ermerjénsia Hospital Nasionál Guido Valadares (HNGV), Eldegar Lopes Martins, informa, ai-moruk Streptokinase iha HNGV daudaun ne’e stock out.
“Daudaun ne’e ita iha problema ba stock out ai-moruk ne’ebé importante mak Streptokinase”, nia informa ba Jornalista iha knaar fatin HNGV, Bidau, Segunda (05/06).
Nia hatete, ai-moruk Streptokinase ne’e importante tebes liu-liu ba moras fuan, maibé tanba agora daudaun ai-moruk ne’e stock out nune’e parte hospital foti alternativu fó ai-moruk ne’ebé iha relevante ho pasiente sira nia moras.
“Durante Ai-moruk ne’e laiha ami fó ai-moruk ne’ebé iha relasiona ho pasiente nia moras”, nia hatete.
Iha fatin seluk, Diretór Armazenamentu Distribuisaun Servisu Autonomu Medikamentu no Ekipamentu Saúde, Institutu Públiku (SAMES,IP), Octavio Fernandes, rekonese ai-moruk Streptokinase iha HNGV daudaun ne’e stock out, maibé parte SAMES,IP daudaun ne’e esforsu hela hodi rezolve.
“Agora daudun ami halo ona kontaktu ho kompania fornesedór sira ne’ebé mak fornese mai Timor-Leste atu kompañia sira bele halo importasaun ba ai-moruk refere “, nia dehan.
Nia hatete, Ai-moruk Streptokinase foin lalais stock iha maibé semana kotuk liubá stock out tanba nia data expire termina iha fulan Maiu entaun SMAES labele halo atendimentu.
“Espera semana ne’e nia laran fornesedór sira bele fornese ona Ai-moruk Streptokinase atu nune’e rezolve problema ne’ebé HNGV enfrenta,” nia hakotu.
993 total views, 3 views today
Bele hare Video Seluk :