DILI, 24 Maiu 2024— Ekipa jogadór husi FALINTIL Forsa Defeza Timor-Leste (F-FDTL) impata ho ekipa husi Tribunál Distitál Dili (TDD) iha jogu futsál kompetisaun ba taxa Komisaun Funsaun Públika (KFP), ne’ebé realiza iha salaun futsál MJDAC, Lesidere, Dili.
Hafoin jogu, Jogadór husi ekipa F-FDTL, Gabriel Eva Ximenes, hatete bainhira jogu hahú ekipa husi F-FDTL mak hatama uluk golu, maibé ekipa husi TDD mós joga di’ak, nune’e ekipa rua ne’e impata ho skor 3-3.
“Ita hotu haree katak, jogu hahu liu minutu balun de’it ami nia ekipa marka uluk golu ba ekipa hosi Tribunál Distritál Dili, tanba jogu ne’e di’ak teb-tebes nune’e ami tenke impata ho sira Skor 3-3”, Jogadór husi ekipa F-FDTL, Gabriel Eva Ximenes, informa ba media F-FDTL, hafoin joga iha salaun MJDAC, Kinta, 23 Maiu 2024.
Jogadór husi ekipa F-FDTL ne’e agrese tanba impata de’it no sei halo esforsu joga di’ak liután para bele manán iha kompetisaun tuir mai.
“Ami hanesan ekipa tenke prepara, ami-nia-an halo di’ak depois maka ami joga, hein katak, joga tuir mai ami sei manán, tamba ho ami-nia esforsu rasaik ami sente bele”, nia garante.
Tuir observasaun Média F-FDTL iha terenu nota katak, jogu entre ekipa rua ne’ebé hala’o horseik tuku 6:00 loraik ne’e, hahú ho jogu ne’ebé di’ak tebes, no liu de’it minutu 4 jogadór husi ekipa F-FDTL, ho kamizola númeru 2, marka uluk golu ida. Jogu ne’e kontinua la’o liu minutu balun tan adversáriu husi eskipa TDD mós selu kedas ho golu ida, husi jogadór ho kamizola númeru 2.
Hafoin liu minutu balun ekipa F-FDTL marka tan golu 1 husi jogadór ho kamizola númeru -11. To’o jogu primeira parte atu termina ekipa adversáriu marka mós golu -1 ba ekipa F-FDTL hodi muda skor 2-2 iha jogu primeira parte.
Tama ba jogu segundu parte, ekipa rua jogu ho ritmu aumenta hodi marka golu-1 husi ekipa TDD husi jogadór ho kamizola númeru 13, no ekipa F-FDTL selu kedas ho golu 1 husi jogadór ho kamizola numeru 11. Nune’e, laiha tan golu ruma to’o jogu ne’e termina, no impata ho skor 3-3.
Preparasaun ba jogu futsál ne’e kada ekipa kopostu husi jogadór na’in-12, na’in-5 jogadór priemiru no na’in-7 suplente.
Jogu futsál ba KFP ba dala-9 iha tinan ida-ne’e, realiza husi Ministériu Asuntu Kombatente Libertasaun Nasionál (MAKLN), no abertura ona iha loron 16 fulan-Maiu liubá.*
2,118 total views, 6 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Ekipa F-FDTL Impata ho TDD 3-3 Iha Jogu Taxa KFP](https://timorpost.com/wp-content/uploads/2024/05/fffffffff.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)