Dili (Timor post.com)—Komandu Polisia Munisípiu Dili, Superintendente Xefe Polisia Orlando Gomes hatete husi loron hirak ne’e hatudu katak situasaun iha kapitál Dili kontroladu.
“Daudauk ne’e situasaun Kapitál Dili iha kalan no loron kontroladu. Komandu Polisia Dili nafatin koloka membru seguransa sira hodi atua situasaun seguransa iha fatin-fatin sira ne’ebé durante ne’e idéntika risku ba problema. Daudauk ne’e situasaun hakmatek”’. Dehan Komandu Polisia Munisípiu Dili, Superintendente Xefe Polisia Orlando Gomes ba jornalista sira iha nia knar fatin Caicoli, Segunda (20/11).
Komandante Dili ne’e haktuir, polisia nafatin la’o ain tama sai bairru ne’ebé risku hodi kontrolu situasaun, karik hetan joven balun konsumu alcohol iha dalan no tur grupu-grupu iha oras ne’ebé komunidade deskansa mak sei atua.
“Husi eskuadra lima ne’ebé kompostu iha munisípiu Dili eskuadra Dom Aleixu mak konflitu ho númeru ass, ho nune’e komandu jerál Dili destaka membru sira hodi ativu liu ba Eskuadra Dom Aleixo hodi bele minimiza konflitu iha kapitál Dili”. Komandante ne’e dehan.
Mensajen ba joven foin sa’e sira, evita konflitu karik la kumpre mak PNTL sei foti medida ida grave. Ida ne’e ordem.
813 total views, 24 views today
Bele hare Video Seluk :
Subscribe to Timorpost
