Dili, 24 Maiu 2024— Adjuntu Xefe Estadu Maiór FALINTIL-Forsa Defeza Timor-Leste (F-FDTL), Kapitaun Mar e Guerra, João da Silva, partisipa eseramentu workshop Planu Asaun Nasionál (PAN) 1325 kona-ba Feto, Pás no Seguransa (FPS) iha Kuartel Jenerál, Fatuhada, Dili.
Iha serimónia enseramentu ne’e, Adjuntu Xefe Estadu Maiór F-FDTL, Kapitaun Mar e Guerra, João da Silva, hatete, tuir loloos Xefe Estadu Maior mak halo ensementu maibé iha atividade seluk, tanba ne’e, nia reprezenta Xefe Estadu Maiór no mós reprejenta instituisaun F-FDTL halo enseramentu ba workshop refere.
“Tema ba workshop ida-ne’e importante tamba oinsá mak involvimentu forsa ba femenina sira partisipa iha prosesu pás no seguransa, tamba ita haree kontestu ida-ne’e la’os refleta de’it ba ita-nia nasaun, maibé ne’e kontestu jerál ne’ebé maka refleta ba mundu tomak pás iha mundu, seguransa iha mundu, tamba ida-ne’e ita liga ba iha rezolusaun ida 1325, ita mós adopta, ita-nia Governu kuandu ratifika, ida-ne’e signifika ita mós prontu para bele kontruibui iha kontestu rua ne’e, pás no seguransa”, Adjuntu Xefe Estadu Maiór F-FDTL, Kapitaun Mar e Guerra, João da Silva, hatete liuhosi diskursu iha serimónia enseramentu ba workshop PAN 1325 kona-ba FPS, iha Kuartel Jenerál, Fatuhada, Dili, Sesta, 24 Maiu 2024.
Kapitaun Mar e Guerra, João da Silva, hatutan, “Ita haree fila-fali ba iha ita-nia instituisaun, parte ida-ne’e sei mukit, tambá ita haree, ita akompña husi promosaun karreira Militár ne’e, atu informa de’it kata liuliu femenina sira foin maka iha postu Kapitaun, Signifika sei mínimu tebes”.
Iha fatin hanesan, partisipante Kapitaun Servazio Barreto, hatete workshop ne’ebé hala’o durante loron tolu hahú husi loron 22 to’o 24 fulan-Maiu ne’e di’ak tebes, tanba bele aumenta koñesimentu membru F-FDTL sira nian kona-ba jéneru.
“Workshop ida-ne’e la’o di’ak tebes tamba partisipa másimu, membru sira husi Komponente no Unidade. Worshop ida-ne’e nia benefísiu di’ak tebes ba ita Timoroan, tamba barak maka seidauk konñese di’ak kona-ba liafuan ida jéneru ne’e, tuir ha’u-nia hanoin jéneriu ne’e bá feto de’it, maibé ami partisipa workshop ida-ne’e bele hatene liafuan jenéru ne’e ba ema hotu tantu feto no mane, no iha ne’e foka liu ba direitu feto nian, oinsá feto mós bele hola fatin iha pás, seguransa no dezenvolvimentu iha Nasaun ida-ne’e”, Kapitaun Servazio Barreto, informa.
Nia mós rekomenda atu iha futuru atividade workshop sira hanesan ne’e labele para de’it iha ne’e maybe, see bele tenke iha nia kontinuasaun iha Komponente no Unidade sira seluk iha iha instituisaun FALINTIL-FDTL.
Serimónia enseramentu ne’e partisipa husi reprezentante no fasilitadór sira husi Ministériu Interiór, UN Women, no seluk tan, inklui membru sira husi Komponente no Unidade.*
2,097 total views, 6 views today
Bele hare Video Seluk :
Subscribe to Timorpost
