RAEOA (Timor Post com)—Komunidade husi aldeia rua, Laukufoan ho Oetfo husu ba Governu atu muda status aldeia rua sai ba suku foun iha Região Administrativa Espesiál Oe-Cusse Ambeno (RAEOA).
Sekretáriu Rejionál Asuntu Administrasaun, Martino Abani Elo hatete, tinan rua liu ba ita hamosu sosializasaun atu hamosu suku foun, mak aldeia Lakufoan ho Oetfo.
“Ita nia objetivu lori aldeia rua ne’e sai ba suku, tanba komunidade do’ok husi sede suku, no populasaun mós barak no aumenta ba beibeik, entaun ita rejista aldeia rua ne’e tenke sai ba suku.” Nia dehan ba Jornalista sira iha RAEOA, Tersa-feira (17/10/2023).
Iha postu Pante-Makasar iha aldeia Kutete no suku kosta, iha aldeia rua Lakufoan ho Oetfo presiza sai suku foun, tanba volume komunidade barak.
Tanba postu administrativu, Pante-Makasar populasaun kuaze 25 mill, signifika barak liu, entaun objetivu ida, atu aumenta suku foun rua nune’e suku sai ruanulu (20).
“Kritériu aldeia Lakufoan ho Oetfo, atu transforma sai suku, total uma kain tenke atinje 2.500, mak foin sai ba suku, nune’e ita haree aldeia rua ne’e iha kondisaun másimu, no total populasaun mós barak, signifika bele sai suku”. Hakotu.
801 total views, 6 views today
Bele hare Video Seluk :
Subscribe to Timorpost
