Manatuto (timorpost.com) – Estudante Servisu Sosiál (ESS), hosi Universidade Nasionál Timor Loronsa’e (UNTL) hamutuk ho Komunidade sira iha Suku Batara, Postu Administrativu Laklubar, komemora loron Masakre Santa Kruz, 12 Novembru ba da-31 iha foho Maubere.
“Funu hasoru funu maluk, juventude hasoru juventude inimigu, tanba juventude ne’ebé rezisti nia aan iha loron 12 Novembru 1991, hakarak defende valor direitu Demokrátika ba indepedénsia”, hateten Xefe Suku Batara, Tomas Pinto, ba Timor Post Online iha nia rezidénsia, Sábadu (12/11).
Nu’udar eis kombatenete ba libertasaun pátria 1975, ne’e hatete juventude rezisténsia fó aan ba mate tanba hakarak nasaun nele livre, povu hetan direitu sufrajiu universál.
“Loron 12 novembru, nu’udar loron juventude sira nian, tanba ne’e ohin ami komunidade sira iha suku Batara hamutuk ho estudante Estajiadu UNTL realiza no komemora Istória rezisténsia iha foho maubere,” nia subliña.
Nia dehan, komemorasaun 12 Novembru 1991, halo iha foho maubere ho sentidu atu hanoin hikas fali ba istória pasadu sai ba istoria foun hanesan sidadaun maubere Manu aman iha Timor Leste.
Tanba ne’e hanesan jerasaun rezisténsia sira-nia loron ba dala-31, sai hanesan Istória murak ba juventude millenial atu lembra istória sai fortalesimentu ida atu jerasaun foun banati.
Iha parte seluk veteranu 1975, Belarmino Soares (Saruntu), hatete hanesan jerasaun foun presiza hatene Istória rezisténsia, nune’e bele la’o tuir sira-nia ain fatin, prontu luta ba nasaun no povu.
“Ami uluk lori prinsípiu ida luta ba libertasaun pátria no povu maubere, signifika manu aman duni atu defende direitu demokrátiku, nune’e ohin ita sae ba foho maubere hodi refleta prinsípiu luta,” nia afirma.
Tanba ne’e ikus nia husu ba jerasaun foun sira presiza hatene, istória luta ba ukun rasik an hodi nune’e bele kontinua kontribui ba dezenvolvimentu nasional.
1,540 total views, 3 views today
Bele hare Video Seluk :
Subscribe to Timorpost
