Dili(timorpost)—Komisaun Terras Propriedade (TP), hala’o dezamina formasaun ba xefe suku foun iha Munisípiu Dili, kona-ba kuadru legál rai no mós prinsípiu Diretu Humanu, asesu ba justisa no mekanizmu rezolusaun ba konflitu.
Prezidente Terras Propriedade, Pascoal da Costa, esplika objetivu hosi atividade dezamina formasaun refere atu oinsá lider komunitariu sira ne’ebé foin mak eleitu no re-eleitu bele iha koñesimentu kona-ba lei 13 definisaun bens e moves no mós ezisténsia komisaun Terras Propriedade nian rasik, tanba komisaun propriedade iha ninia servisu sira independente.
“Tanba ne’e mak ami konvida ita ninia xefe suku sira atu bele partilla informasaun kona-ba lei sira, atu nune’e sira bele iha koñesimentu, hodi bele ajuda komisaun Terras foti desizaun, tanba ita nia lei 13 no 2017 artigu 59 aliña C, dehan katak bainhira hala’o au dilijénsia probatóriu sira komisaun Terras tenke konsulta mós lider komunitariu sira”, Prezidente Teras Propriedade, Pascoal da Costa, hato’o informasaun hirak ne’e iha Otél Timor, Tersa (12/12).
Nia esplika, Komisaun Terras tenke bolu autoridade sira mai hodi esklarese netik servisu komisaun nian atu nune’e sira bele iha koñesimentu di’ak liu tan komisaun nia servisu rasik.
“Sim xefe suku sira balun iha ona koñesimentu ba servisu komisaun Terras nian, maibé balun laiha koñesimentu, tanba realidade kuandu ami tuun fó koñesimentu lider komunitariu sira, kada vés sira la halo kazu, signifika sira ladún ajuda komisaun Terras atu fó informasaun sira”, nia ko’alia.
Tuir nia katak, dezaminasaun informasaun hirak hanesan ne’e foin mak primeira vés komisaun Terras konvida lider komunitariu sira hamutuk partilla informasaun kona-ba ezisténsia komisaun nian rasik.
Informasaun hirak ne’e kuandu xefe suku sira iha ona koñesimentu, bainhira komisaun tuun ba iha baze, sira mós bele hatene katak ida ne’e mak komisaun Terras atu bele mai haree no verifika komunidade sira nia rai, atu nune’e komunidade sira bele hetan netik diretu propriedade iha sira nia moris tomak.
1,901 total views, 3 views today
Bele hare Video Seluk :
Subscribe to Timorpost
