Dili (timorpost.com)— Membru hosi komponente naval na’in- ualu simu setifikadu komputadór nivel 1 to’o nivel 2 iha sentru formasaun téknika Naval Hera, Sesta (26/05/2023).
Komandu komponente naval liuhosi N1 haruka membru na’in-ualu tuir formasaun kompurtadór ba nivel 1 to’o nivel 2 iha sentru formasaun naval Hera.
Tuir segundu komandante Naval Kapitaun Fragata, Guido Guterres da Silva, hatete formasaun ne’e hanesan kapasitasaun indivíduu hodi nune’e fasilita ita boot sira atu hala’o servisu iha administrasaun ho di’ak.
Iha fatin hanesan Kapitaun Fragata, subliña, maski formasaun refere ho durasaun fulan ida, maibé iha esperansa ba tempu ne’ebé naruk.
Tanba ne’e nia husu ba membru sira atu pratika buat ne’ebé mak ita boot sira simu ona iha ita boot sira nia firmasaun hodi bele aplika iha servisu loro-loron.
Antes hakotu Kapitaun Fragata, lori komandu Naval nia naran fó parabéns ba membru sira ne’ebé mak ho pasiénsia hodi bele tuir formasaun ne’e to’o remata no agradese mós ba DCP Austrália ne’ebé mak kapasita ona membru militár komponente naval iha area teknolojia mundu ohin loron nian.
Kapitaun Fragata ne’e sempre iha esperansa ba nia membru sira ne’ebé tuir ona formasaun iha area komputadór ninian hahú hosi nivel 1 to’o nivel 2.
“Tanba ne’e ha’u hanesan komandante fó parabéns ba imi ne’ebé mak ohin simu ona sertifikadu ne’e”, nia hakotu.
Notísia ne’e Timor Post asesu liuhosi pájina Relasaun Informasaun FALINTIL Forsa Defeza Timor Leste (F-FDTL) nian, Sesta (26/05/2023).
1,857 total views, 6 views today
Bele hare Video Seluk :
Subscribe to Timorpost
