Uma Nain Mak Okupa Terseira Lugar, iha tasa BNCTL cup

DILI-Ekipa futsal masculino husi BNCTL, okupa iha tersera lugar iha jogu BNCTL cup tinan 2022, hafoin halakon SEFOPE ho skor 3-1 iha kampu futsal Bebora, Kuarta (06/07).

Iha jogu primera parte hahú, ekipa rua ida-idak hatudu sira nia ritmu jogu husi bola pasajen ba malu, atu buka oportunidade hodi produs golu ho lais, maibé seidauk iha dalan tanba ekipa ida-idak mantein sira nia liña metin.

SCROLL FILA BA NOTISIA

Ekipa BNCTL, ne’ebé komanda husi jogadór ho naran “Anau”, ne’ebé antes ne’e mós koñesidu iha klube boot Boavista FC, hodi tuir mós kompetisaun bot sira iha Liga Timorense nian iha tinan hirak liu ba.

Lee Mós :

EBC Maria Auxiladora Comoro Selebra Aniversáriu Ezisténsia ba dala-25

BNCTL maske ho jogadór esperiénsia di’ak, maibé la iha fatin atu sira produs golu ruma, tanba ekipa SEFOPE mós hatudu sira nia kualidade jogu ho di’ak tebes, tanba komanda mós husi jogadór koñesidu iha ekipa segundu divizaun FC Porto Taibesi, nia jogadór Eugebio.

Sefope maske iha mós iha jogadór esperiésia, maibé ladauk hetan oportunidade atu produs golu iha jogu primeira parte.

Presente ba BNCTL, tanba hetan skor gratuita husi nia adversáriu halo auto golu nia baliza rasik.

Nune’e BNCTL muda skor 1-0.

Tanba ne’e, to’o jogu primeira parte deskansa BNCTL, mantein skor 1-0.

Hafoin hakat ba jogu segunda parte, ekipa rua nafatin hatudu sira nia superioridade jogu, maibé la iha mudansa golu ruma, tanba ida-idak mantein sira ekipa ho liña metin.

Lee Mós :

Governu TL Entrega Sertifikadu Deklarasaun Benefisiáriu Ba Empreza Aero Dili

Jogu ekipa rua, nafatin halo kontra atake malu, no adeptus ida-idak haklalak atu suporta sira nia ekipa.

SEFOPE hanesan ekipa forte, ne’ebé komanda husi jogadór koñesidu Eugebio hamutuk ho nia belun sira konsege muda skor 1-1.

Jogu ne’e portunidade di’ak monu ba BNCTL, liu husi jogadór koñesidu eis klube Boavista FC, “Anau” nian lori BNCTL muda tan skor 2-1.

Skor refere halo jogu manas liu tan, tanba ekipa rua iha ambisaun bot hakarak ganha vitória atu okupa iha terseira lugar tasa BNCTL cup 2022 nian.

Lee Mós :

USAID- Apoiu Orsamentu 9.5 Millaun USD Ba ONG Nasionál 8 Halo Estudu Peskiza Advokasia

Maibé BNCTL nia mehi di’ak liu Sefope, tanba produs tan golu datoluk hodi muda skor 3-1.

Iha entrevista, ekipa Sefope nia jogadór Egas Fernandes, rekoñese lakon ne’e tanba kompetisaun jogu, ida lakon no manan.

“Ami derrota ne’e simu realidade, tanba ne’e jogu”. Dehan nia.

Entretanto, treinadór BNCTL Ricardo Gomes sente kontente tanba bele manan jogu ne’e, hodi okupa iha terseira lugar.