Dili (timorpost.com)—Diretór Ezekutivu Servisu Verifikasaun Emprezariál, Institutu Públiku (SERVE.I.P), Florêncio da Costa Sanches, hatete, Presiza kria lei ida hodi kontrolu ba atividade fan kozmétika iha rai laran.
“Kualkér atividade iha mundu tomak ho valor osan millions ba millions presiza regula ho lei. Iha Timor-Leste, atividade negósiu balun mak seidauk regula ho lei, nune’e susar tebes atu ita halo kontrolu”. Diretór hateten ba Timorpost.com, iha ninia knaar fatin, Hudi-laran, Kinta (26/07/2023).
Nia haktuir, atividade sira hanesan fa’an sasán kozmétika ne’e seidauk regula ho lei. Nune’e, nia hanoin presiza tebes atu regula produtu kozmétiku ne’ebé ema fa’an iha Timor-Leste.
“Ha’u halo duni karta ba Ministériu Saúde tanba la regula atividade kozmétika. Ha’u hanoin Governu tenke regula hanesan surat tahan ida atu ita kaer, nune’e buat ruma akontese karik ita bolu malu. Agora la iha regulamentu, oinsá ita atu kontrola ba atividade ne’e,” nia kestiona.
Nia hanoin, ema mós la bele hatete kozmétika ilegál tanba la iha regulamentu. “Ezemplu ha’u hakarak fan kozmétika tanba merkadu di’ak. Imi la regula ne’e la’ós ha’u nia kulpa, tanba sasán sira ne’ebé tama merkadorias ne’e iha territóriu tomak, liu ona iha alfándega no imigrasaun,” nia hatutan.
Floriano dehan, SERVE ezije katak sasán sira ne’ebé tama merkadorias ne’e tenke kria lei hodi regula.
Nia mos husu ba governu iha tinan 5 ba oin ne’e presiza kria lei ida hodi kontrolu ba atividade kozmétika iha rai laran.
“Ha’u nia ezijénsia primeiru mak atu permite forma ona estabelese Plataforma rejistu eletróniku, atu nune’e fó dalan ba ita atu kumpre dekretu lei iha tinan kotuk ho dekretu 33 ne’ebé hateten katak, permite rejistu eletróniku atu nune’e sistema ita hanaran katak servisu integradu SERVE bele komunika prosesu halo ba ministériu relevante ba regulador sira,” tenik Floriano.
1,539 total views, 3 views today
Bele hare Video Seluk :
Subscribe to Timorpost
