(Reportajen Estaziadu Cardenio Alves/Editor Mateus da Cruz)
DILI (Timor Post)-Atu hatene kona-ba preparasaun rekursu umanu timoroan nian iha Protesaun Sivíl, Delegasaun hosi kulturál, sosiál no kooperasaun husi ministériu negósiu Estranjeiru Indonézia nian iha Association South East Asian Nations (ASEAN), Ohin, Vizita Sekretáriu Estadu Protesaun Sivíl (SEPS),Iha vizita ne’e parte rua ko’alia liu kona-ba protesaun sivíl ba Capacity Building (PSCB), iha Timor Leste.
“Asuntu ida ne’e mós membru ASEAN halo avaliasaun Ida kona-ba Timor Leste nia preparasaun, no rekursu hira mak TL prepara ona atu sai ba membru ASEAN nian no Ida nee Mak objetivu husi Sira nia vizitasaun”,. informai Diretór DNGRD-SEPS, Agustinho C. Belo, iha Edifísiu SEPS, Kaikoli, Kuarta, (08/06).
Nia hatete, Protesaun sivíl iha Timor Leste, tama iha pilar Ida ba preparasaun adezaun ba ASEAN ninian, bolu hanaran sosiál no kulturál, no iha ministériu barak mak iha laran hanesan Ministeriu Solidarirdade Social no Inkluzaun, (MSSI) no mós Sekretáriu Estadu Profisionál no Empregu (SEFOPE) no sira seluk.
Nia dehan, iha vizita hosi diretora kulturál, sosiál no kooperasaun husi ministériu negósiu Estranjeiru Indonézia nian iha ASEAN ne’e mós ko’alia diretamente ba protesaun sivíl nia dezenvolvimentu liu husi programa ne’ebé protesaun sivíl infrenta no liga mós ho jestaun ba dezastre nian iha TL.
“Programa hirak ne’e mós sira garante kedas katak sei relata ba iha liña ministeriais sira iha indonézia nian, kona-ba formasaun protesaun sivíl nian capasity building, hodi lori mós Timor oan sira husi protesaun sivíl bele ba tuir formasaun iha Indonézia ka iha nasaun ne’ebé iha ASEAN nian, atu hatene oinsá bele kualifika liu tan ba protesaun sivíl nian.
Iha vizita ne’e mós ko’alia kona-ba oinsá ajuda liu husi protesaun Civil iha capasity Building nian nune’e nasaun sira iha ASEAN hotu-hotu bele loke odamatan ba TL.
“Ita garante servisu ne’e nia kualifikasaun iha futuru depende ba planu, tanba ne’e programa hanesan capasity building importante tebes ba nasaun no ita mós labele haluhan katak iha programa prosesu naruk mak bele adere ba ASEAN nune’e presiza Ita hotu nia esforsu tomak tenke servisu maka’as,”, nia dehan.
Ikus liu nia husu ba sidadaun Timor oan ne’ebé servisu iha instituisaun estadu nian tenke servisu maka’as nafatin hodi apoiu ba polítika na’in sira atu lori TL ba ASEAN. (Lee Notísia Seluk Iha Jornál Timor Post/ Asesu You Tube Timor Post)
726 total views, 3 views today
Bele hare Video Seluk :