(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) – Sekretáriu Estadu Formasaun Professional no Empregu (SEFOPE), liu husi Diresaun Nasionál Empregu Exterior (DNEE) hamutuk ho Pacific Australia Labour Mobility (PALM), realiza Workshop foka ba futuru joven Timor-Leste.
Tuir Sekretáriu Estadu Formasaun Professional no Empregu (SEFOPE), Alarico de Rosário, hatete, programa ida ne’e, hetan inisiativa husi, embaixadór Australia iha Timor Leste, Bill Castello no mós SEFOPE, kona ba oinsá ba joven sira nia futuru bele serbisu di’ak liu tan.
“Ohin realiza Workshop ida ne’e ho intensaun atu koñese liu tan Governu Timor-Leste no Governu Australia kona ba oinsá tratamentu ba joven sira ba futuru ne’e, bele hetan koñesimentu ida ne’ebé mak ho medium skill, no bele responde merkadu Australia ou rai seluk nian, ho nesesidade hodi husu ita Timoroan sira atu ba serbisu iha rai liur,” nia dehan ba jornalista sira hafoin partisipa iha Workshop ne’e, iha Timor Plaza Maubara Room.
Nia subliña tan katak, maski embaixadór Australia dehan katak, ita nia preparativus ne’e maka’as liu, maibé sira ninia objetivu ne’e maka oinsá atu hare liu ba, karik Australia ninia merkadu mak manda ass, nune’e oinsá ho Timor Leste nia preparasaun.
“Hanesan ita hotu hatene katak, Timor Leste nia preparasaun durante ne’e, ita fasilita joven Timor Leste ho naran ne’ebé mak prepara hodi responde traballu merkadu ne’ebé mak husu iha lista bazeia ba dadus rihun 14”.
Nia hatutan, maibé ho númeru ne’e, labele responde sira nia husu, hanesan ohin ita hotu-hotu hatene katak, ita prepara hela ema ne’ebé mak iha baze de dados no ema bolu dehan Any Skill, agora ida Skill ne’e, oinsá mak ita atu prepara, ita foti husi Any Skill hodi tuir formasaun, atu nune’e ita prepara, no sira husu karik ita iha ona Medium Skill,” nia dehan.
Nia subliña, ne’e mak ohin ita tuur hamutuk hodi preparasaun ba futuru ne’e halo oinsá, no mós serbisu hamutuk ho Governu Timor-Leste no Governu Australia hodi prepara formasaun ida ne’ebé mak diak, atu foka liu ba buat tolu, kompostu husi Ospitálidade, Agrikultura no Konstrusaun.
“Ida ne’e la’ós buat fasil ida, nune’e presiza tuur hamutuk atu hare liu ba Medium Skill ida ne’e, entaun tenke serbisu hamutuk ho sentru formasaun sira ne’ebé mak kualidade di’ak iha Timor Leste” Hakotu. (Lee Notísia Seluk Iha Jornál Timor Post/ Asesu You Tube Timor Post)
1,273 total views, 3 views today
Bele hare Video Seluk :
Subscribe to Timorpost
