Jornalista Jaime Pires / Editór Noémio Falcão
Dili (Timor Post)—Governu prepara atividade oioin hodi selebra loron Proklamasaun Independénsia ba-dala 46 iha Munisípiu Baukau. Durante selebrasaun governu preparasa mos serimónia inaugurasaun ba Uma ba Kbiit Laek (UKL) ne’ebé harii tiha ona liuhusi Programa Nasionál Dezenvolvimentu Suku (PNDS).
Aleinde ne’e, Ministru Administrasaun Estatal (MAE), Miguel Perreira de Carvalho hatete, sei halo mos inaugurasaun ba eskola sira ne’ebé durante ne’e halo ona konstruksaun no lansa mos projeitu foun liuliu turizmu komunitária.
Ba jornalista sira iha Palásiu Governu Tersa (23/11) hafoin enkontru semanal ho Primeiru Ministru PM, Taur Matan Ruak, Miguel hatete, informa ona atividade hotu ba xefe governu.
Nia haktuir, atividade sira ne’ebé la’o ona hodi selebra loron Proklamasaun Independensia 28 de Novembru ne’e mak atividade desportu komunitaria ne’ebé mak organiza husi Sekretaria Estadu Juventude no Desportu (SEJD), atividade feira ne’ebé mak iha Munisípiu barak inklui mós Bauaku.
“Ha’u Informa mós iha serimonia ne’e mós sei realiza inagurasaun ba projetu sira ne’ebé mak realiza iha tinan ida ne’e, konvida ona autoridade sira hodi bele halo inagurasaun projetu sira ne’e,” nia hatutan.
Projetu ne’ebé mak atu Inagura mak realiza husi Ministeriu Turizmu Komérsiu no Industria, halo lansamentu primeira pedra ba turizmu komunitaria iha Bauaku, no mós programa urbanizasaun iha area Venilale nia ne’ebé mak organiza husi Ministeriu Agrikultura no Peskas.
“Iha mós progra sira hanesan, programa nasionál dezenvolvimentu suku (PNDS), uma ba kbi’it la’ek, inagura eskola sira ne’ebé mak ha’u Konvida ona Auto entidade governanu sira atu halo inagurasaun”, dehan Nia.
Nia dehan, kona-ba komemorasaun ne’e Misa agradesimentu sei halo iha loron (27/11) iha Igreja Bauaku, no 28 de Novembru serimonia dada Bandeira ne’ebé mak sei prejide direita husu Prezidete Repúblika (PR), Francisco Guterres Lu-olo.
870 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Selebra Loron Proklamasaun Independénsia iha Baukau, Sei Inaugura UKL, Eskola no Lansa Projeitu Foun](https://timorpost.com/wp-content/uploads/2021/11/6a033623-3adf-4fc7-bc43-93203244cf1e.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)