DILI (Timor Post) – Kompañia Internasionál NORINCO Cooperation LDA husi China, mak sai manan na’in ba projetu konstrusaun estrada diresaun Postu Administrativu Laga ba Baguia Munisípiu Baukau.
“Sim, Ministériu Finansas públika sai ona kompañia internasionál ida ne’ebé manan atu halo projetu estrada husi Laga ba Baguia Munisípiu Baukau, tanba sira mak manan tender,” dehan Ministru Obras Públika, Abel Pires, iha Kaikoli Kuarta (31/08).
Nia dehan, kompañia nia naran taka sai ona iha loron rua ka tolu ba kotuk ne’e hodi bele hahú ona konstrusaun.
Nia subliña, projetu ida ne’e parte Ministériu Obras Públika nian halo hotu ona, hela de’it ona servisu ki’ikoan sira ne’e, agora kompañia manan na’in iha ona bele hahú ona.
“Se prosesu hotu la’o normál ita bele la’o lalais, tanba ne’e iha fulan Outubru ka Novembru nia laran projetu ne’e bele hahú la’o ona, tanba Dezeñu ba Ponte sira mós hotu ona,” deklara nia.
Enkuantu informasaun ne’ebé Timor Post Online asesu, liuhusi Pájina ofisiál Ministériu Finansas, anunsia ona kompañia Internasionál NORINCO Cooperation LDA husi China, mak sai manan na’in ba projetu refere.
Iha publikasaun Ministériu Finansas ne’e mós dehan, projetu pakote estrada munisipál husi Postu Administrativu Laga ba Baguia ne’e ho montante osan 21,695,194,98 USD.
1,603 total views, 3 views today
Bele hare Video Seluk :
Subscribe to Timorpost
