ADVERTISEMENT

MS Halo Kampaña Integradu Edukasaun no Promosaun Saúde Iha Bukoli

Hermengildo Da Costa - Baucau · Saude
Jornalista : Caetano Guterres
Editor : Hermenegildo da Costa Tilman
  • Share
Xefe Suku Bukoli, Teresinha de Jesus dos Reis

BAUKAU (timorpost.com)–Ministériu Saúde hala’o kampaña integradu edukasaun no promosaun saúde iha suku Bukoli, Baukau Vila, kuarta (22/11) ho intensaun atu fo hanoin ba lider komunitaria, profisionál saúde no komunidade atu promove saúde no asegura meiu ambiente.

Xefe Suku Bukoli, Teresinha de Jesus dos Reis hatete, kampaña integradu ne’e no promosaun daúde parte ida importante tebes tanba atu kombate moras oi-oin iha suku laran. Iha parte prinsipál ida mak hakarak hadia setor agrikultura liu orienta agrikultór sira kuda produtu ortikultura inklui parte saude nian kona bá kuidade ijiene no ambiente liu husi orienta uma kain ida-idak harii sintina.

ADVERTISEMENT
SCROLL FILA BA NOTISIA


“Hanesan xefe suku hau sempre iha kooperasaun ho parte saúde kona ba oinsá kombate moras dengue, TBC, Diabetes, HTA, Saúde Inan ho Oan, Nutrisaun no asidente tráfiku buat sira nee hau prontu halao bainhira simu informasaun husi parte servisu saúde Bucoli nian,” dehan Teresinha, kuarta (22/11) iha Sentru Saude Bukoli.

Lee Mós :
AJTL-UNFPA Hametin Kooperasaun Enkoraja Jornalista Foka ba Isu Saúde

Nune’e mos Administradór Postu Administrativu Baukau Vila, Isencino Antonio da Silva konsidera kampaña integradu edukasaun no promosaun saúde importante tebes ba autoridade postu, suku, aldeia no profisionál saúde tuir lei númeru 9/2016.

“Lei númeru 9/2016 ko’alia momoos kona ba kompeténsia, parte ida kona ba promove saúde no asegura meiu ambiente. Entaun dalan di’ak ida tenke koopera ho saúde sira hodi fo hatene bei-beik ba ita nia komunidade sira atu bele promove saúde inklui servisu integradu ho saude komunitariu sira,” dehan Isencino ba jornalista sira, hafoin remata abertura kampaña iha Sentru Saúde Bukoli.

Lee Mós :
Suspeitu ho Karreta Xoke Labarik Ida iha Baukau Entrega-an ba Polísia

Nia esplika, kampaña nee importante tanba fenómenu boot bele akontese iha mundu, liu-liu Timor Leste hetan bai loron naruk, sei afeta ba ema nia saúde, bele hamosu dearea, TBC tanba rai rahun suar.
“Hau kontinua apela ba lider komunitariu sira neebe eleitu ona atu iha kriatividade hodi servisu hamutuk ho pesoál saúde simu oportunidade kampaña integradu hanesan nee para nune’e fahe tutan fali ba komunidade sira iha baze,” dehan eis estensionista ne’e.

Iha fatin hanesan reprezentante Ministériu Saúde, Ana Maria Guterres hatete, objetivu husi kampaña nee atu autoridade lokál sira bele hetan informasaun hodi habelar ba komunidade sira iha baze atu halo prevensaun.

Lee Mós :
CNR Bekora Apoiu Kadeira Roda 12 ba HNGV

Nia hateten katak Ministra Saúde hakarak kampaña integradu halo programa ida de’it atu labele perde tempu hodi eduka no promove saúde kona ba moras dengue, TBC, diabetes, HTA, saúde inan ho oan, nutrisaun no asidente tráfiku.

Xefe Sentru Saúde Bukoli, Maria Goreti Abuk hatete, kampaña nee planu husi Ministériu Saúde no importante, tanba informasaun partisipante sira simu, sei hato’o fali iha baze mos nune’e sira bele hadok husi moras ka halo prevensaun.
Kampaña integradu iha suku Bukoli ne’e involve médiku, pesoál saúde no PNTL seksaun Tránzitu Munisípiu Baukau.(#)

 1,236 total views,  3 views today


Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No