DILI (timorpost.com)—Sentru Formasaun Jurídiku no Judisiáriu (SFJJ), ba futuru sei rekruta tan formadór internasionál ho nasionál na’in-ida, hodi fó formasaun ba autór judisiáriu sira.
Diretora Ezekutiva Sentru Formasaun Jurídiku no Judisiáriu (SFJJ), Marcelina Tilman hatete, iha sentru formasaun jurídika ne’e formadór internasionál no nasionál hamutuk nain-10. Husi númeru ne’e, Juis internasionál na’in-rua, Prokuradór Repúblika nain-ida no notariál konservadór na’in-ida, jurista na’in-rua no inklui formadór Portugés na’in-haat no tetun jurídiku na’in-ida.
“Tinan 2024, ami iha ona planu ne’ebé prova katak atu rekruta tan ba iha oitavu kursu ba Mestradu defensór Públiku no mestradu advogadu sira, entaun presiza aumenta tan númeru formadór, hanesan advogadu estranjeiru na’in-ida no inklui tetun jurídiku na’in-ida, “dehan Marcelina ba Timor Post iha nia servisu fatin Kaikoli, Sábadu (18/11).
Nia haktuir, formadór jurídika nain-10 ne’e sufisiente, tanba sira hanorin ba de’it juis sira, Prokuradór no defensór no mós fó apoiu formasaun ba ofisiais justisa tribunal sira nian.
Entretantu
Relasiona ho preokupasaun husi públiku kona-ba ba autor judisiáriu sira durante nee aprende língua Portugés iha sentru formasaun Jurídiku no Judisiáriu, maibé la aplika língua Portugés iha tribunál ne’e kompeténsia tribunál nian.
“Ha’u hanoin ida ne’e kompeténsia tribunal no tribunal mós iha regulamentu oinsá atu regula desizaun ho tetun ka Portugés ka tetun, ida ne’e depende ba ema ne’ebé mak atu hetan asesu ba justisa ne’e rasik, “. Nia haktuir
Tuir nia hatete, tribunal favoravel atu utiliza lingua ida ne’ebé maka bele suspeitu ka vítima sira atu komprende lingua ne’ebé di’ak liu ne’e depende sira uza lingua ida ne’ebé ema hatene, tantu Portugés ka tetun depende ba Tribunál atu utiliza, sira mós iha regulamentu interna atu regulariza oinsá atu julgamentu ne’e uza tetun ka Portugés.
“Durante ita hare ne’e, iha tribunal ne’e la’ós utiliza de’it lingua Tetun ho Portugés, maibé uza lian Xina, Ingles no inklui mós lian Indonesia, tanba dala ruma mós ema estranjeiru sira deskonfia komete kazu krime no sivíl ruma, entaun tribunal oinsá uza lian ida ne’ebé ita sidadaun sira komprende kona ba justisa nian, “. Hakotu
804 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Reforsa Setor Justisa, SFJJ Planeia Rekruta Formadór Internasionál no Nasionál](https://timorpost.com/wp-content/uploads/2023/11/judisiariu.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)