DILI, (Timorpost.com)—Defeza ba Fujitivu Arnolfo Teves Jr, advogadu privadu, Jose da Costa Ximenes lamenta ho desizaun Tribunál Supremu Justisa nian, tanba hasai tiha despaxu hodi liberta Fujitivu Arnolfo Teves Jr, maibé liu de’it minutu balun kaptura fali mai detein iha sela komandu PNTL Munisípiu Dili.
Advogadu ne’e dehan, iha artigu 61, depois 40 dias la iha pedidu estradisaun via diplomátiku liberta kedas, depois 40 tuir mai 80 dias kompletu maka juis konselleiru sira dehan tenke liberta depois ba kaer fila fali, ida ne’e hanesan defeza la aseita.
” Ha’u hanesa defeza sente triste karik ida ne’e akontese iha Tribunal Judisiál Primeira Instánsia karik, tribunal Rekursu bele korrije, maibé kazu ida ne’e akontese iha tribunal ne’ebé bo’ot liu, entaun se maka atu korrije tan ida ne’e. Tanba ne’e desizaun Tribunal Supremu Justisa ne’e ladún justu, tanba pedidu formal husi via diplomátiku kuandu la mai ne’e, autoridade sentrál iha pozisaun ida ne’e, hanesan PJR de via dezde inisiu ne’e rejeita kedas la bele to’o tribunál, “dehan nia ba Jornalista sira iha Tribunal Rekursu Tersa (11/06).
Nia dehan, liu ba pedidu via diplomata la iha tanba ne’e liberta maibé tanba saida mak detein fali.
“Ha’u preokupa Governu hakarak estradita ami nia kliente, maibé pedidu ne’e la tuir regra”. dehan nia.
Enkuantu tuir Konkluzaun husi parte defeza katak, nia kliente ne’e la’os komete ba krime direita, tanba sei hola konkluzaun ida depois fó informasaun ba públiku.
“Ha’u nia kliente ne’e laos komete krime direita, ida ne’e maka ami nia konkluzaun, depois maka ami sei fó informasaun tuir mai, “dehan nia.
Antes hakotu, advogadu ne’e dehan prosesu nafatin la’o, no buat hotu sei iha prosesu. Tribunal mós rona ona sasin testemuña na’in hitu. Prosesu nafatin lao no hein desizaun.
786 total views, 3 views today
Bele hare Video Seluk :
Subscribe to Timorpost
