DILI–Devotu husi Grupu Jesus Divina Mizericordia (JDM) hahú atividade viasakra páskua tinan 2023 hodi ba sama hikas ain fatin Santo Papa Joao Paolo II.
Pe Evaristo Soares, prezide hahú husi monumentu uma adat são João Paulo II Tasi tolu ba to’o iha Estátua João Paulo II.
“Tanba momentu Santu padre João Paulo II ne’ebé agora santo nia mai halo misa iha ne’e, Fatin ne’e sai hanesan Fatin relijiozu, Fatin Ida nebe Santo ne’e Mai sama ain iha nee” dehan Pe Evaristo Hafoin remata Viasakra iha loron Sábadu (04/02/2023).
“tanba devotu divina mizerikórdia Konsidera João Paulo II sai nudar apóstolo da misericórdia. tanba ne’e hili fatin ne’e par mai hodi reza no halo viasakra “dehan sita Pe Evaristo.
Padre esplika, objetivu husi Viasakra ne’e katak viasakra ba ema hotu nia mizerikordia ida ne’e para reflete, la’ós halo de’it iha tempu kuarezma, Maibe devosaun ida ne’e Jesus rasik sujere iha 3 oras ne’e, oras santa ka oras mizerikordia.
Kada devoto ida bainhira remata reza iha 15.00 bele kontinua halo viasakra badak ida hodi reflete Jesus nia Terus no Mate.
Pe Evaresto mós hato’o ninia mensajen ba devotu sira durante tempu kuarezma kada devotu ida iha Tempu Kuarezma, Forte no Grasa atu ita aproveita didi’ak oportunidade ida ne’e hodi halo ita ninia devosaun ida ne’ebé mak ha kle’an Liu tan no ita nia fiar ba Maromak.
“Husu ba kada devotu ida iha Tempu Kuarezma, Forte no Grasa atu ita aproveita didiak oportunidade ida ne’e hodi halo ita ninia devosaun ida ne’ebé mak ha kle’an Liu tan no ita nia fiar ba Maromak” nia fó hanoin.
Tuir Observasaun durante prosesu Viasakra iha Inísiu devotu sira reza orasaun Jesus Laran luak iha iha 15.00 hafoin kontinua kedas Viasakra ho estasaun ba dahuluk iha Kapela São João Paulo II no remata iha Estátua Joao Paulo II.(ida)
1,436 total views, 3 views today
Bele hare Video Seluk :