Timor Post (22/10/2020)- Sekretáriu Estadu Arte no Kultura, Teofilo Caldas hatete, durante ne’e nia parte resposta ona proposta ba uma lisan liu 40.
“Iha orsamentu 2019 ami konsege apoiu proposta uma lulik hamutuk 40 resin,” Teofilo haktuir ba Jornalista sira Palásiu Governu, Dili, Kinta (22/10/2020).
Teofilo hatete, iha tinan 2020 nia simu proposta barak maibé seidauk fó resposta tanba governu uza hela orsamentu duodésimu, maibé iha OJE 2020 no 2021, SEAK preve ona rihun $20 bianhira promulga sei fó apoiu ba komunidade sira ne’ebé mak halo ona konstrusaun, rabilitasaun no preparasaun ba inagurasaun uma lulik.
Kritériu atu asesu ba orsamentu SEAK preve primeiru mak atu hari uma lulik tenke ho material orijinal, no progresu uma lulik ne’e pursentu hira ona hanesan sira nia inisiativa rasik hari ona to’o pursentu 25 ba leten governu apoiu utoan atu halo kama’an.
“Maibé la’ós governu mak halo fali uma ba sira ne’e la’e, maibé uma lulik ne’e governu iha dever tenke apoiu” tenik nia.
Tanba uma lulik sai hanesan sentru kultural hodi halibur jerasaun ba jerasaun no mós hanesan muzeu tradisional hodi konserva eransa kultural ne’ebé mak beiala sira husik hela mai ita no mós uma lisan hanesan fatin turizmu kultural ida hodi atrai ema ba vizita.
Nia esplika, tanba uma lisan mós sofre konsekuensia iha funu nia laran tanba durante funu naruk jerasaun uma lulik nia sai ba fuik inimigu sira destera uluk ninia familia.
Nune’e mós inimigu sira sunu mak uma lulik sira tanba uma lulik mak fó matak malirin no fó kbi’it forsa ba girilleiru sira esziste hasoru inimigu. (Jornalista: Jaime Pires)
1,318 total views, 3 views today
Oinsa Ita nia Reaksaun iha Notisia Nee?
You have reacted on “Governu fó Apoiu ona Orsamentu ba Uma Lisan Liu 40”
Bele hare Video Seluk :
Subscribe to Timorpost1
/
2194
FAMILIA SIMU TIMOROAN DEPORTADU HO MATAN BEEN
PREPARASAUN BA VIZITA SUA SANTIDADE ATINJE ONA 80%
FRETILIN HUSU GOVERNU KONSIDERA VITIMA EVIKSAUN SIRA NIA HALERIK
1
/
2194
