Reportajen Luis Casimiro /Editor Rosa Garcia
MANUFAHI (Timor Post)—Deskonfia ema deskonesidu sunu uma lisan lisan Lalba, iha aldeia Sesurai, suku Betano, postu administrativu Same villa munisipíu Manufahi, iha sabadu madrugada (10/07), no hakanek Etelvina da Costa nia isin.
Ba Timor Post, Etelvina da Costa, hanesan mós vitima , haktuir kaak ahi ne’e han besik 01.00 madrugada ,derepente mosu ahi lakan hosi uma kotuk sai ba uma laran.
“Ahi naburu (tranbe) iha uma laran ha’u halai tama ba atu salva ami nia armariu ne’ebé roupa iha laran hodi sai mai liur mak ahi monu tan ha’u hodi rezultadu ha’u nia isin kanek dodok tiha ne’e”, dehan Etelvina.
Etelvina haktuir, akontesementu ne’e rezulta sasan uma laran hanesan batar, hare kulit, inklui dokumentus no ortoriu la salva hotu.
“Iha kalan ha’u nia isin manas ha’u toba tiha uma bo’ot ne’ebé uma lisan taka metin tiha derepente ahi lakan ha’u sai mai hare uma lisan odamatan nakloke hanesan ema mak loke”,nia haktuir.
Tempu hanesan Julino Sousa Marques haktuir, akontesementu ne’e nia laiha uma tanba horsehik (Sexta) sai tiha postu administrativu Fatuberlio no ohin madrugada rona informasaun husi fen kaben informa ahi han uma.
“Ha’u nia dokumentus kona-ba veteranus, kaixa klandestina, inklui hare kulit bidon ida no sensor foun ida kuaze ahi han motuk hotu hela de’it latun”,dehan Julino iha Sesurai.
Julino haktuir, iha insendiu ne’e fe’en kaben mesak ho oan sira salva de’it kakaluk uma lisan Lalba ninian maibé buat hotu inklui roupa moruk hotu no familia sai de’it ho roupa isin lolon.
“Sim maske ami la hetan ema ruma mak sunu maibé ami deskonfia ema deskoñesidu tanba ain fatin tau sapatu tama husi uma kotuk hafoin sunu tiha uma sai fali mós ain fatin liu husi uma kotuk”,nia dehan.
Julino ne’ebe husi munisipíu Ainario Beikala , maibé dezde okupasaun nia deside mai subar iha aldeia Sesu Rai no hela tan iha Sesurai maibé nunka halo problema ho ema sese de’it no laiha inimigu ba malu.
“Ha’u triste tebes tanba sidadaun ne’ebé sunu ha’u nia uma hodi estraga ha’u nia Armariu, ortoriu ho gabeta inklui meja sadam Sesurai ritual 77 ahi han motuk hotu”,hato’o ho triste.
Tuir observasaun Timor post iha terenu ,marka prezensa xefe aldeia Sesurai no Ofisial Polisia Suku (OPS) hodi halo levantamentu dadus ba uma ne’ebé deskonfia sunu husi ema deskoñesidu.(Lee nutisia seluk iha jornal Timor Post)
1,080 total views, 3 views today
Bele hare Video Seluk :
Subscribe to Timorpost
