DILI, (Timorpost.com)—Tribunal Judisial Primeira Instansia Dili (TJPID), Domingu (26/05) loke prosesu Primeiro interrogatóriu (PI), ba suspeitu nain hitu (7), ne’ebe komete kazu na’ok telefone hodi rezulta Nituchia Frangidae lakon vida no Juliana Elizabeth F. Soares grave.
Suspeitu nain hitu (7) ho karreta patroliamentu PNTL nian, too iha Tribuanal Judisial Primeira Instansia Dili iha tuku 13:50 oras lokraik Timor-Leste.
Suspeitu nain hitu (7), akompana husi ekipa Departamentu Investigasaun Kriminal Nasionál hodi tuir prosesu Primeiru interrogatório.
Iha Sesta, (24/05/24), horibainruak, liuhusi Konferensia imprensa, Komandante Operasaun Servisu Investigasaun Kriminál, Nasionál,Inspetór Xefe Polísia, Mouzinho Correia, informa PNTL liuhosi ekipa konjunta kompostu hosi PNTL Departementu Investigasaun Kriminal, Departementu Informasaun Polisia, Unidade-Falintil F-FDTL, no Servisu Nasional Intelijensia, kaptura autór prinsipál na’in rua, inklui suspeitu na’in lima seluk, ne’ebé hadau telefone hodi rezulta vítima inan grave no oan ho idade idade tinan 7 lakon vida.
“Kazu na’ok telefone akontese iha loron (21/05), iha oras tuku 08:00 kalan iha area Pertamina Internasionál nia sorin besik loza Seara, tanba ho asaun na’ok telefone hodi rezulta vitima Nituchia Frangidae lakon vida, no nia inan kanek grave,” nia informa.
Grupu ne’ebé durante ne’e, eziste na’ok telefone, na’ok motor, na’ok animal, grupu refere kompostu hosi ema na’in 7, ho inisiál RML (19), VCV, (16), PPDI (19), GGCS (19) DSPAC (17), YGCS (19), JSPAC (17), ( RVC), (17), JEBP (16). Suspeitu na’in 7 ne’e na’in ida mak foin lalais na’ok telefone na’in duni tuir konsege motor monu, vitima sira kaer no ida halai, ida halai ne’e mós iha ona polisia nia liman.
Hafoin ekipa konjunta kaer lori sira mai iha Komandu inklui prende mós evidénsia motor 4 inklui vitima ninia telefone.
Enkuantu suspeitu hirak ne‘e sei hetan detensaun durante oras 72 hafoin submete ba Ministériu Públiku hodi tuir prosesu aprezentasaun prioridika.
714 total views, 6 views today
Bele hare Video Seluk :
Subscribe to Timorpost
