Dili (timorpost.com) – Defende uma-kain hitu iha Suku Bekora, Postu Administrativu Kristu Rei, Munisípiu Dili, Lider Nasionál, Kay Rala Xanana Gusmão, hatete lakohi estadu duni povu hanesan animál.
Nia hatete, rona informasaun ama ferik sira hela iha ne’e tinan 46, Sr. Vicente Vidigal, mak fó rai ne’e ba sira hela, tanba sira haree malu di’ak. Nune’e ida fó rai ne’e ho nia fen no oan mate hotu ona, derrepente de’it ida hosi Austrália mai servisu hamutuk ho Juiz sira iha Tribunal atu foti fatin ne’e.
“Ita haree keturunan nia la’ós hosi Sr. Vicente Vidigal nian”, nia hateten bainhira hamutuk hela ho vítima sira iha Bekora, Tersa (31/01).
Nia dehan, sira atu fó 2000 USD, maibé ferik sira la simu, entaun problema ne’e lao ba mai, Tribunal foti desizaun, polisia mai hasai ferik sira-nia sasán atu suru uma ne’e.
“Maibé, ami mai ha’u simu sasán hatama fali, ha’u buka hatene problema ne’e”, nia hateten.
Nia hatutan, povu ne’e mak terus iha rai ne’e, derrepente de’it Lei mosu mai hasai.
“Ha’u-nia prezensa iha ne’e, tanba labele duni sira hanesan animal,” Xanana ko’alia ho lian makas.
Nia hatutan, ama sira ne’e mós terus iha funu laran.
“Tanba ne’e, ha’u dehan ha’u hela iha ne’e”, nia afirma.
Ikus nia dehan, hasai sira hosi ne’e atu lori ba ne’ebé, sira ida aplika lei ne’e laiha konxiensia umanitáriu. Estadu de direitu, sira mós iha direita, Estadu iha tanba sira terus.
12,217 total views, 3 views today
Bele hare Video Seluk :
Subscribe to Timorpost
