DILI-Tribunal Rekursu (TR) absolve Antonio Conceição ‘ Kalohan’ husi krime Partisipasaun Ekonómika Negósiu no hamenus pena prizaun efetivu ba Apolinario do Santos Asunsão.
Antes nee, Tribunal Judisiál Primeira Instánsia Dili ( TJPID), Aplika pena prizaun tinan lima efetivu ba Arguidu Antonio Conceição ‘ Kalohan’ no mós tinan haat efetivu ba Arguidu Apolinario do Santos Asunsão. Maibe desizaun husi Tribunál rekursu (TR), absolve Antonio Conceição ‘ Calohan’ husi pena prizaun efetivu tinan 5 no arguidu Apolinario do Santos Asunsão hamenus pena prizaun efetivu tinan 4 ba pena prizaun tinan tolu no suspende ba tinan-5.
Defeza ba arguidu Apolinário do Santos Asunsão, Marçal Mascarinha hatete, desizaun husi Tribunál rekursu sai ona no arguidu balun absolve no suspensaun.
“Desizaun husi Tribunál Rekursu sai ona, no absolve Antonio Conceição ‘Kalohan’ husi penal ne’ebé Tribunal Judisial Primeira Instansia Dili aplika ba nian, maibe hau nia kliente Apolinario do Santos Asunsão maka hamenus pena efetivu tinan 4 ba prizaun tinan tolu no suspende ba tinan-5,” dehan Defeza ba arguidu Apolinario do Santos Asunsão, Marçal Mascarinhas ba Timor Post liuhusi telefone, Sesta (12/04).
Tuir defeza, Tribunal Rekursu absolve Antonio Conceição “Kalohan’ tanba, Razaun dehan natoon despaixa primeiru kona ba atu halo produsaun ba Masin iha Atabae nee nia iha koñesementu, tanba nia nu’udar Ministru Komérsiu Indústria (MKI), maibé depois ida nee nia muda fali ba iha Ministru Edukasaun. Tanba nee prosesu tuir tan mai liga ho produsaun masin nee nia la iha koñesementu ona.
“Tuir loloos nee, Ministru Komérsiu Industria foun ne’ebé maka troka nia nee, tenke hola desizaun ruma atu muda, maibé tanbasá nia kontinua de’it,” nia haktuir.
Arguidu Apolinario do Santos Asunsão nee, nia kliente, tanba nee hafoin desizaun husi Tribunál rekursu fo sai, nia hanesan fo hanoin kedas ba nian, atu la bele komete tan krime ruma, tanba hetan pena prizaun tinan tolu no suspende ba tinan lima.
Iha sorin seluk, advogadu ba Antonio Conceição ‘Kalohan’ Pedro Camões hatete, desizaun ba rekursu ne’ebé lalais sira hatama ba Tribunal rekursu, liga ho Antonio Conceição nia kazu nee, desizaun sai ona, maibe nia parte seidauk bele anunsia lai.
“Liga ho ida nee orsida 04:00 maka ha’u aviza, tanba ami seidauk asesu kopia desizaun pór eskrita, tanba agora ha’u seidauk asesu dokumentu, ne’ebé ha’u seidauk bele dehan buat ruma,” dehan nian.
Entretantu antes ne’e, Ministériu Públiku akuza krime partisipasaun ekonomia negósiu ba Antonio da Conceição ‘Kalohan’ ne’ebé uluk asume kna’ar nu’udar Ministru Komérsiu Indústria no arguidu Apolinário Dos Santos Asunsão ne’ebé iha momentu ne’ebá nu’udar asesór gabinete Vice Ministru.
2,751 total views, 3 views today
Bele hare Video Seluk :