ADVERTISEMENT

Sergio Hornai Merese Lidera Ministériu Justisa

Liduway Xavier - Figura · Justisa · Lei no Justisa
Jornalista : Beatriz Belo
Editor : Liduway Xavier
  • Share
Komisáriu Komisaun Anti Korrupsaun (KAK), Sergio Hornai, Imajen TP/Cardenio Alves

DILI, (timorpost.com)– Jurista Timoroan, José Maria Guterres, hatete, Sergio Hornai iha kapasidade no merese lidera Ministériu Justisa (MJ) hodi troka saudozu Amândio de Sa Benevides, ne’ebé foin remata nia peregrinasaun iha mundu.

Nia dehan, Sergio Hornai merese tanba uluk nia servisu nu’udar Defensór Públiku Jerál, no Kordenadór defesór públiku no mo’s asume kargu hanesan komisáriu Komisaun Anti Korupsaun (KAK) ne’ebé iha esperiénsia ba jestaun no kapasidade, tanba ne’e nia merese duni atu lidera Ministériu Justisa.

ADVERTISEMENT
SCROLL FILA BA NOTISIA


“Tuir ami-nin observasaun durante ne’e Señor Sergio Hornai servisu iha kooperativa tanba durante ne’e mo’s ami observa ema ne’e seidauk komete kazu korupsaun ruma, ita husu mak karik mak Governu propoin duni nia atu lidera Ministériu Justisa, ne’e ita husu mak presiza servisu hamutuk ho diresaun ne’ebé tutela iha Ministériu Justisa nia okos. Husu para kontinua hadi’a atendimentu liga ba iha pasaporte, BI, rejistu kriminál no sertidaun RDTL sira, tanba ida-ne’e sei kontinua sai preokupasaun ba iha públiku, no ekipamentu ba iha notariadu ne’e iha ona, maibé oinsá mak hafasil liu servisu para ema hotu-hotu bele sente ba iha atendimentu ne’e”, jurista timoroan, José Maria Guterres, informa ba Timor Post, Domingu, (11/02).

Lee Mós :
TDD Julga Kazu Abuza Konfiansa Agravadu

Nia hatutan, atendimentu ba kaderneta pasaporte iha edifísiu notaridu loke iha fatin ida de’it, nune’e atedimentu kontinua lentuk, tanba ne’e presiza abranje tan, ka alokasaun tan ba iha fatin seluk para fasil atu halo atendimentu, labele desentraliza iha fatin ida de’it.

Lee Mós :
TR Seidauk Simu Lista Kandidatura Parpol

Iha sorin seluk, akademista UNDIL, Hugo Lorenço, hatete señor Sergio Hornai hasai kursu direitu no nia iha esperiénsia servisu iha Governu, uluk sai hanesan komisáriu KAK, ne’e iha koñesimentu intermus disipliña liga ho servisu MJ.

“Señor Sergio iha onra no iha kapasidade hodi lidera instituisaun refere, maibé ida-ne’e kompeténsia Priméiru Ministru nian, atu hili sese mak Priméiru Ministru sente merese duni no tau fiar atu lidera instituisaun refere. Ne’ebé, ba ami kualkér figura ne’ebé mak Governu hili, ami apoiu tanba ita mesak timoroan de’it, kestaun mak servisu ba hodi hatudu sira-nia abilidade no dezempeñu servisu”, Hugo Lorenço, hatete.

Lee Mós :
MJ Seidauk Bele Koloka Funsionariu ba Portugal Hodi Trata Pasaporte

Tuir nia, sai governante ne’e atu reforsa ministériu, buat hotu iha ona no presiza reforsa de’it funsionamentu ka sai hanesan jestór ida ba iha ministériu, no daudauk ne’e pasaporte nafatin sai problema, tanba ne’e espera katak ho ministru foun bele rezolve problema sira ne’e.(*)

 954 total views,  15 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sergio Hornai Merese Lidera Ministériu Justisa” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No