ADVERTISEMENT

PDHJ Hato’o Ona Pedidu Fiskalizasaun Abstratu Lei Indultu ba TR

Liduway Xavier - Justisa · Lei no Justisa
Jornalista : Beatriz Belo
Editor : Liduway Xavier
  • Share
Prevedór PDHJ, Virgílio da Silva Guterres

DILI, (timorpost.com)— Provedoria Diretu Humanu no Justisa (PDHJ), hato’o ona pedidu fiskalizasaun abstratu ba lei númeru 20/2023, 12 Dezembru kona-ba konsesaun indultu no komutasaun ba Tribunál Rekursu (TR).

Prevedór PDHJ, Virgílio da Silva Guterres, akompaña husi funsionáriu PDHJ marka prezensa iha Tribunál Rekursu Kaikoli, Dili iha loron-Sesta, (02//02) hodi entrega direita pedidu fiskalizasaun abstratu ba Prezidente TR, Deolindo dos Santos.

ADVERTISEMENT
SCROLL FILA BA NOTISIA


“Pedidu fikalizasaun ba lei, liuliu lei kona-ba prosedimentu indultu nian, ha’u hanoin lei ne’ebé ikus mai sai polémika iha públiku, entaun provedór hetan sujestaun no mós halo análiza ba lei refere, ikus mai provedór haree katak iha nesesidade atu hato’o pedidu fikalizasaun abstrata ba Tribunál Rekursu atu haree lei  ne’e”, dehan Provedór, Virgílio Guterres, ba Jornalista sira hafoin hasoru malu ho Prezidente Tribunál Rekursu, Deolindo dos Santos, iha edifísiu Tribunál Rekursu, Kaikoli, Sesta, (02/02).

Lee Mós :
Fretilín Hein Rezultadu Fiskalizasaun Abstrata ba Lei Indultu

Hafoin entrega pedidu fikalizasaun abstrata, provedór ne’e mós esplika oituan razaun no baze hirak ne’ebé provedoria uza hodi hato’o pedidu ba TR.

“Iha pontu rua ne’ebé ke ami tau mak, priméiru kona-ba konsentu razoens umanitária ne’ebé fó baze ba lei indultu ne’e, atu Prezidente Repúblika koko fó indultu ho razoes umanitária, maibé iha lei nia laran la define loloos, saida-saida mak parte husi umanitária ne’e. Razaun umanitária ne’e oin-oin, bele dehan nia labele tama prizaun tanba  iha oan, nune’e mós oan sei ki’ik no família ne’ebé presiza atendementu, razaun sira ne’e mak la klaru iha ne’eba, maibé iha pontu balun tan, tanba lei indultu ne’e la deskreve rekezitu ne’ebé klaru, pelu menus kompara ho lei ida anteriór, ne’ebé hatete katak indultu fó ba ema ne’ebé kumpri pena prizaun”, nia akresenta.

Lee Mós :
Janeiru-Dezembru, PDHJ Simu Keixa 183

Nia hatutan, “Iha prizaun suspensaun ou prizaun efetiva ne’e mais pelu menus kumpri maibé ita haree sai sujeitu ba aplikasaun lei indultu, nein tuir tan prosesu audénsia iha Tribunál. Entaun ida-ne’e mak ami haree katak nesesidade duni atu husu Tribunál Rekursu hodi halo analiza hodi deklara  inkonstituisionalidade ba lei indultu ne’e”.

Lee Mós :
Veteranus RAEOA Apoiu PM Revoga Lei nu.3/2014

Nia haktuir, parte Tribunál Rekursu la fó sujestaun  ruma kona-ba pedidu ne’e maibé tribunál simu de’it tanba hotu-hotu servisu tribunál nian, ne’e la’os Prezidente Tribunál Rekursu mak deside mesak maibé sei tuun ba iha enkotru plenária mak juis iha Tribunál Rekursu sei hola desizaun.

Privedór ne’e hakutir, Prezidente Tribunál Rekursu mós informa katak iha ona pedidu fiskalizasaun husi deputadu sira iha Parlamentu Nasionál kona-ba lei indultu ne’e, tanba ne’e pedidu husi PDHJ nian bele apresia liután Tribunál Rekursu nia desizaun kona-ba lei refere.(*)

 642 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PDHJ Hato’o Ona Pedidu Fiskalizasaun Abstratu L…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No