DILI—Diretór Elit Komputer ho inisial DP husu lisensa ba Juis ne’ebé prezide hela julgamentu iha Tribunal Distrital Dili (TDD) hodi fo permisaun ba Sholat ka reja tuir fiar musulmanu nian, tanba julgamentu hahú husi lorokraik to’o kalan liu ona oras baibain sira hala’o atividade fiar nian ne’e.
Observasaun Timor Post haktuir, iha oras tuku 18:00, polísia sira akompaña arguidu DP sai husi sala julgamentu tama ba sela tribunal nian hodi fó oportunidade ba DP Sholat kuaze minutu 20 nia laran
Hafoin ne’e, polísia ne’ebé fó hela seguransa iha liur akompaña hikas DP tama ba sala audénsia hodi kontinua julgamentu.
Iha tribunál, DP akompaña husi nia kolega sira ho Advogadu Privadu Pedro Aparrcio.
“Ita sei hein tanba arguidu ida fali husu sei sholat, ida ne’e mak kustume Timor Leste nia toleransia ba arguidu,” Advogadu Pedro subliña bainhira akompaña nia kliente DP iha prosesu julgamentu ne’e.
Too oras tuku 19:52 audiénsia ne’ebé prejide hosi juis Ersilia da Silva, Prokurador na’in-rua, Lidia Soares no Matias Soares, kontinua la’o.
Arguidu DP hetan kapturasaun iha loron hanesan, 23/11/2020, ho Diretór Telekomunikasaun Telemor ho inisiál TVB tanba deskonfia halo ligasaun ilegal ba internet husi Atambua mai Timor Leste.
Liga ho kazu ne’e, iha loron 26/11/2020, polísia kaptura ona mós Prezidente Autoridade Nasionál Komunikasaun tanba deskonfia involve iha atividade ilegál. (jxy)
564 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1991
SEFOPE LANSA FORMASAUN EMPREENDEDORISMU BA TABALLADOR SIRA
PM XANANA HUSU KONTROLU FRONTEIRA
PN HUSU ATU INVESTIGA AUTÓR SUNU ESKAVATÓR IHA BAUKAU
1
/
1991