DILI, (Timorpost.com)—Eis Xefe Estadu Maior F-FDTL, Tenente Jeneral Reformadu, Lere Anan Timur, hatete Timor-Leste Restaura ninia independénsia ba tinan 22 ona, maibé setor saúde no edukasaun la hatudu mudansa signifikativu.
Nia dehan, ida ne’e la’os segredu, maibé publiku hotu akompaña katak la iha mudansa ekonomia rai-laran.
“Ohin loron depois tinan 22 ita ukun an, invez de ita atu la’o ba oin la’e, maibe ita hakiduk ba kotuk, ita akompaña de’it iha eskola, fatin ne’ebe prepara ema atu sai ema, atu futuru bele tane estadu no ita nia nasaaun iha mundu nia matan, sei hasoru moras barak,”dehan Tenente Jeneral Reformadu Lere Anan Timur ba jornalista sira hafoin partisipa aniversáriu PD ba dala-23 iha Sede PD Colmera Sabadu (15/06).
Eis Xefe Estadu Maior das F-FDTL ne’e hateten, ohin loron situasaun politika no ekonomika bele dehan krize boot, no iha indisiu atu tama ba krize politika, liu-liu iha setor saúde, ne’ebe importante liu ba nasaun, ba estadu no ba povu ida inklui mós setor edukasaun.
“Governu no estadu iha dever no responsabilidade atu hare parte rua ne’e, edukasaun no saúde ne’ebe grave atu futuru Timor nian nian bele mudansa. se lae ita la ba oin, fila fali mai kotuk ne’e problema,”afirma Lere Anan Timur.
Iha fatin hanesan, Kordenador Juventude CNRT, Jose Virgílio Fereira, husu ba joventude sira hotu-hotu, atu hamutuk hodi fo hanoin saida mak Eis Xefe Estadu Maior F-FDTL, Tenente Jeneral Lere Anan Timur hatoo hela ba Juventude sira.
“Ita hotu hamutuk luta ba problema Timor nian, probelma Timor la’os sa’ude ho edukasaun de’it, mais problema barak mak ita presiza hadia,”dehan Virgílio.
423 total views, 3 views today
Bele hare Video Seluk :
Subscribe to Timorpost
