ADVERTISEMENT

EBC Dom Baumeta La iha Profesor Ingles no Relijiaun

Timor Post - Edukasaun · Jeral
Jornalista : Amelia Babo
Editor : Hermenegildo da Costa Tilman
  • Share
Diretora EBC Dom Baumeta , Zelia A. da Cruz

Aileu (timorpost.com)—Eskola Ensinu Báziku Centrál (EBC) Dom Baumeta Suku Liurai, Postu Administrativu Aileu Vila, Munisípiu Aileu seidauk iha profesór matéria hanesan Ingles Relijiaun no matéria espesífiku.

“Durante ne’e ami hasoru dezafiu menus manorin na’in ba matéria ingles ho relijiaun no mós matéria espesífiku inklui menus fasilidade kadeira, meza, no laiha biblioteka hodi asegura livru manual sira hodi nune’e manorin nain uza hodi hanorin estudante sira”. informa diretora EBC Dom Baumeta , Zelia A. da Cruz ba, Timor Post iha nia knaar fatin Aileu, Kuarta (30/08).

ADVERTISEMENT
SCROLL FILA BA NOTISIA


Diretora ne’e esplika, eskola refere iha kadeira meza maibé kondisaun at hotu ona.

Lee Mós :
Timor Leste ho India Hametin Kooperasaun Servisu iha Area Rua

Iha Oitavu Governu eskola hato’o proposta ba Ministériu Edukasaun konsege apoiu kadeira ho meza hamutuk 61, maibé seidauk sufisiente atu responde ba nesesidade eskola nian.

Eskola Ensinu Báziku Sentrál Dom Baumeta Suku Liurai, iha estudante hamutuk 511.

Prosesu aprendizajen fahe ba parte rua,  estudante balun eskola iha dadeer no estudante balun eskola oras lokraik tuku 1: 00.

Tuir diretora, atu garante kualidade edukasaun iha futuru presiza rekursu umanu ne’ebé adekuadu, kompletu hodi fasilita estudante sira iha prosesu aprendizajen.

Eskola Ensinu Báziku Sentrál Dom Baumeta Suku Liurai, ho total manorin hamutuk-37 kompostu profesór permanente-27, kontratadu 10, status profesór reformadu hamutuk 4.

Eskola Ensinu Báziku Sentrál Dom Baumeta Suku Liurai ho nia filial hamutuk EBF 2 siklu Mau-Rusa, EBF Hoholau, EBF Suku Liurai, EBF Hatulai, EBF Manubata.

Lee Mós :
Juiz Carmona pede a Governo acordos de extradição

Ikus liu diretora ne’e husu ba ME ba oin haruka profesór matéria Ingles no Relijiaun hodi bele prenxe sira nia profesór ne’ebé laiha no mós husu ba ME atu rezolve profesór lista reklamante hodi hanorin estudante sira iha prosesu aprendizajen.

Ministra Edukasaun, Dulce de Jesus Soares

Hatán ba ezijénsia sira ne’e, Ministra Edukasaun, Dulce de Jesus Soares dehan, kona ba profesór matéria sira ne’ebé menus iha eskola refere sira servisu hamutuk ho diretór edukasaun munisípiu no diretór eskola hodi rezolve ba preokupasaun hodi bele atende ba estudante sira iha prosesu aprendizajen.

Lee Mós :
Servisu Munisipál Edukasaun Juventude no Desportu Baukau Hetan PKRIE 14

Ministra dehan, iha mandatu Nonu Governu halo kuadru pesoál hodi define loloos eskola ne’ebé menus profesór matéria espesífiku sira nune’e sira bele prienxe hotu matéria hodi bele hanorin hotu estudante sira iha prosesu aprendizajen iha sala laran.

“Polítika Nonu Governu ami sei hare ba kestaun hirak ne’ebé eskola sira hasoru tanba realidade eskola balun menus profesór no eskola balun profesór barak liu oinsá maka uza polítika di’ak hodi jere no prenxe hotu ba matéria hotu”. Hakotu.

 930 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “EBC Dom Baumeta La iha Profesor Ingles no Relij…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No