DILI, (Timorpost.com)—Fundadora Organizasaun Forum Komunikasaun Feto Timor Loro Sa’e (FOKUPERS) Mari Domingas Fernandes Alves, hatete preokupa inan-aman barak menus kontrolu ba oan sira hodi envolve an iha Arte Marsial no ritual no ikus kria konflitu.
“Ita reflete uitoan, tanba ita agora tama ona ba tinan 22 ukun rasik an, bainhira joven sira nafatin kria konflitu oho malu, ita moe no sente tebes-tebes, hanesan konfrontu joven Timoroan sira oho malu iha Fatima Lisboa, fatin sagradu, ita sente moe”dehan Fundadora FOKUPERS Maria Domingas ba Jornalista sira iha Faról hafoin partisipa Serimonia tomada de pose ba Diretóra foun, Sesta (14/06).
Nia dehan, Ita labele fó de’it kulpa ba joven sira, tanba labarik balun foin moris iha 2006, sira la hare Timor-Leste nia unidade ukun rasik an, mais sira haree iha krize.
Tanba ne’e, husu ba parte hotu-hotu atu kolabora malu kria unidade iha Timor-Leste.
“Tempu agora tempu servisu tanba ne’e husu joven sira servisu hodi hadia moris”. Nia informa.
Fokupers kontinua nafatin luta ba vida liberdade no mos nafatin servisu no fo apoiu ba ema vitima ne’ebe violensia bazeia ba Jeneiru, no problema social seluk ne’ebe joven sira enfrenta.
354 total views, 6 views today
Bele hare Video Seluk :
Subscribe to Timorpost
