Dili (Timorpost.com)—Ministério Komérsiu Indústria (MCI) liu husi Diresaun Jeral Komersiu (DGC) realiza Seminariu Nasional liga ba Komersiu Eletroniku ho objetivu atu publika informasaun sira relasiona ho inportasaun no esportasaun atu hak’lean liutan ninia integrasaun iha merkadu rejional no global.
Tematiku ba Seminariu ne’e, “Optimiza Rekursu hodi Alkansa Politika Komersiu Timor -Leste ba Mundu”.
“Ita hotu hatene katak Komersiu Eletroniku nu’udar plataforma dijitalizasaun objetivu prinsipal atu fasilita prosesu fasil no seguru ho kustu ne’ebe menus ba atividade faan no sosa liu husi atividade komersiu ki’ik ho boot nivel domestiku global “. Dehan Ministru Komérsiu Indústria, Nino Pereira ba jornalista sira iha Plaza, Kinta (13/06/2024).
Governante ne’e haktuir, Plataforma ne’e sei fó benefisiu ba atividade negósiu hotu-hotu inklui ba empreza míkro, mediu no pequena to’o iha area rurais.
“Politika Nuno governu konstituisional tau importansia ba dezenvolvimentu Komersiu Eletroniku, ne’ebe ita ohin loron iha ona Dekretu-Lei rejime espesial ba komersiu Eletroniku no asinatura Eletroniku”, Ministru Nino Perreira Informa.
Nia subliña, ne’e relasiona politika transformasaun dijital ne’ebé prezisa dezenvolve di’ak ho sustentavel, hodi asegura sistema komersiu Eletroniku ne’ebé di’ak ho seguru.
“Tanba ne’e mak ita hare’e fila fali enkuatramentu legal, lei ida ne’ebe ita iha no karik ba oin sei presiza tan, hanesan oin iha sistema proteje kona ba lei protesaun dadus no mos lei krime Sibertenika, no mos lei orgaun, ita prezisa mos regulamentu atividade komersiu Eletroniku.
Nia hatete, problema mak velosidade internet sei fraku, tanba ne’e liu hosi servisu Ministeriu Transporte Telekomunikasaun, prezensa fiber optika, iha tinan ida ne’e bele hadi’a ona volume internet nian no ita presiza rekursu umanu atividade kapasidade konesimentu ne’ebe mak diak , komersiu rasik ita prezisa dezenvolve nasaun ne’ebe diak, atu bele hare’e servisu ida lao ho diak ambiente ne’ebé seguru.
732 total views, 21 views today
Bele hare Video Seluk :
Subscribe to Timorpost
